الأربعاء، 23 يوليو، 2008

وايه يعني

وايه يعني وانا مالي
حاجات كتير بتجرالي
وفي كل حاجة برضو باقول
وانا مالي وايه يعني
...............
وايه يعني خدوا ارضي
وايه يعني داسوا عرضي
وايه يعني سابولنا آهات
بتملا القلب ولا يقضي
.................
سنة وعشرين بالف الكون
عشان اكون او لا اكون
ولكن طول ماهم رابضين
علي قلوبنا ولا بتعني
..................
كام مية ملطوش باخدها في شهر
لا بيكفوا عذاب ولا قهر
و اخر الليل بانام مستور
مادمت باقول وايه يعني
....................
وكام مية مليون لهفها غراب
وطار بيها وسابهالنا خراب
ومين يبكي علي الاحباب
طول ماباقول وايه يعني
.......................
في يوم هاييجي عليا الدور
وهاخرج برة نص الدور
ماهو سيناريو وكان مرسوم
ماعملش حسابه اني في يوم
هابطل اقول وايه يعني

هناك تعليقان (2):

micheal يقول...

خواطر جميلة ومعبرة في الوقت نفسه عن حاجات كتيير
تحياتي

Manamino يقول...

micheal
شكرا علي مرورك وتعليقك ياباشا
منورني والله