الأربعاء، 31 ديسمبر 2008

حب وراح



عارفة ؟؟؟!!!
زمان لما كنت باشوفك !!!
كنت باحس الدنيا خلاص فتحت لي ايديها
واجري عليكي
تاخديني في حضن عنيكي
وارتاح
واشكيلك همي
وف جرحي تلمي
وتضمي
وفي حضنك
كنت باحس الدنيا براح
وفي لحظة
كل الحب ده راح

هناك 30 تعليقًا:

صباح الصباح يقول...

الانتقال السريع من احساس لنقيضة تماما رشيق للغاية
كمان تعبير (فى جراحى تلمى) هايل
تحياتى

Mina يقول...

صباح الصباح
الف شكر ياباشا علي مرورك الكريم
وتحياتي ليك
وصبح صبح ياعم الحج

غير معرف يقول...

هقولك حاجه واحده بس وده رأيى
الحب الحقيقى بين 2 يكاد يكون مستحيل
لكن فى ناس بيحبوا بعض بجد بكل معنى لكلمه حب حقيقى الحب اللى ممكن ان واحد فيهم يضحى بحياته علشان التانى يكون سعيد ولو للحظه واحده...
الحب ده مش ممكن يروح مهما كان ومهما حصل ومهما مر الزمن ....
مش ممكن يروح لو حب حقيقى

Unknown يقول...

مشض عارفه أقولك ايه؟

أصل هو في لحظه راح
):

غير معرف يقول...

so nice thx u good post

Mina يقول...

esraa
في لحظة راح بس الحياه موجودة
واللي راح اكيد بيرجع
مش لازم مع نفس الشخص
انما اكيد مع حد احسن
تحياتي يا اسراء وشكرا علي المرور

Mina يقول...

steel beauty
ميرسي علي مرورك ياجميل
تحياتي

Mina يقول...

Rana
ماهو لو كان حب حقيقي عمره ما كان هايروح
بس نعمل ايه بقي للصين والتايوان اللي مغرقة البلد
حتي الحب بقي تايواني
تحياتي

Unknown يقول...

جميل
صحيح هى مش ناقصه نكد زى ما قرات فى نهايه هذه الكلمات
لكنها رساله لا تتعلقوا بالامل المكذب
اليس كذلك

Mina يقول...

احمد بدر الدين
صح النكد بقي كتير قوي والحكاية مش ناقصة نكد
بس ساعات بيكون النكد مفيد علشاننراجع حساباتنا من جديد ونشوف ايه سبب النكد
تحياتي وباشكرك علي المرور

محمد حويحي يقول...

دا انت كبيييييييييير قوي يا بوب ..

Mina يقول...

تاني كبير ياعقل يامهوي؟
احنا مش اتفقنا ان كبير دي بتتفهم بطريقة تانية
علي العموم ماشي ياريس
ميرسي عل يالمرور يابوب

مــها العباسى يقول...

منك لله ياغالى
:)

Mina يقول...

ايه يامها
تحبي اقولك تعالي جنب اخواتك انت كمان ولا اييييييييييه
ههههههههههههههههههه
ميرسي علي المرور

Sweet Violet يقول...

)):

ليه بقى ؟؟؟

Mina يقول...

ضد التيار
هو ايه اللي ليه

غير معرف يقول...

ده يا مينو اللي اسمه

التطور الطبيعي للحاجة الساقعه

:))

طبعا انت عارف رأيي مسبقا

استمر يابني استمر

Mina يقول...

جومانا حمدي
عارف رأيك مسبقا وباعتز بيه جدا
وشكرا علي تشريفك
بس حاجة ساقعة ايه في البرد ده بس
قولي حمص شام جنزبيل اي حاجة من دي يعني
تحياتي يافندم

maha zein يقول...

مية مية
بلا غلب وهم
في ستين داهية
مهي تمثل
وحلوة الخاتمة اوي
وفي لحظة
كل الحب ده راح
سيبك منها
بس انا حسة انك كنت ناشر الكلام ده قبل كده في بوست قديم
صح ولا ايه
اصلي حساني قريته عندك من قبل كده

Mina يقول...

مها زين
برافو عليكي والله احساسك صح البوست ده كان قديم وحسيت اني عايز ارجعه تاني
بس يعني ماعجبكيش حاجة خالص فيها الا الخاتمة
ايه ياشيخة النكد اللي انت فيه ده بس
هههههههههههههههههههههههههههههه
عليالعموم شرفي يامهاميهو

غير معرف يقول...

انا علقت قبل كده على البلوج ده يعنى انت عرفت رائى مسبقااااااا بردوا على رائى جومانا حمدى.....
بس احب اضيف انها هى اللى خسرانه انوى انت بس وانا اجوزك ست ستها
بس شاور انت
هههههههههههههههههههههههههه

Mina يقول...

رنا
ههههههههههههههههههههههههههههه
حلوة ست ستها دي
ياستي بلا جواز بلا هم
ماحلاها عيشة العرية
نورتيني تاني

غير معرف يقول...

انا اول مرة اجى هنا.. بجد مدونتك حلوة اوى.. دمها خفيف جدا ولذيذة

انا قعدت انخرب كده فيها فى كذا بوست.. عجبتنى اوى

بالنسبة للبوست ده .. انا فعلا اسفة وان شاء الله تلاقى الحب اللى يستاهله قلبك الطيب

هبقى اجى تانى :)

Mina يقول...

riri
يافندم انت تنوريني في اي وقت
يانهار ابيض اعتبري المدونة بتاعتك
ونخربي براحتك خالص الله هو احنا في ديك الساعة يعني ولا ايه
وبالنسبة للبوست ده فاحب اقول لحضرتك انه مجرد خاطرة مش ناتجة عن موقف معين يعني
ههههههههههههههههه
وماتخليناش نتكلم بقي فيه اجانب في البلوج
اللله
الله
الله
هههههههههههههههههه
نورتيني يافندم

zainab يقول...

ياه كتير بيحصل اللىى بتقول عليه و بتوصفه "وفي لحظة
كل الحب ده راح"

تحياتى

Mina يقول...

zainab elmosalamy
كتير قوي بيحصل
واكتر بننساه وبنعيش باقي حياتنا
ماهو لازم ننسي علشان نعيش
ولا ايه
تحياتي

غير معرف يقول...

عذراً ، بس مريت كده على البوست ده مش عرفة طلعلي منين أصلاً ،


بس المهم إن حلو جداً من حيث التعبير بس قاسي شويتين زيادة !!


يعني ممكن تكون انت السبب في الحب ده إلي راح ، يعني ممكن إنت لغلطان و- مش شايف نفسك أو مش راضي تشوف ،

وعلى رأي وحدة كتبت من قبل، لو كان حقيقي ، ولا عمرو رح يروح حتى لو خليت نفسك جامد يعني!!!


، ولو كان تايوان ، كان بان من الأول !! ولا إيه رأيك


عموماً بوست حلو جداً ، ومتخدش بالك من كلامي ، أصل ساعات مش عرفة أبقى حشرية كدة ليه!!!



بس ما يمنعش أجي مرة على مرة كدة يعني أدلك حقنة عل الماشي :)

Mina يقول...

الاستاذة غير معرف
يا افندم انت تمري في اي وقت والمدونة كلها تحت امرك وانا تحت امرك وتحت امرك حقنك كلها

معاكي حق طبعا في كل اللي انت قولتيه
انا ماقلتش مين السبب في الحب اللي ضاع
يمكن انا
ويمكن هي
ويمكن الظروف
وانا ماحددتش ده انا قلت انه راح
ممكن تكون حاجات كتيييييرة قوي هي السبب
المهم انه ف يالاخر راح
مين بقي السبب مش مهم

وشكرا علي المرور والنقد والحقن الجميلة
ههههههههههههههههه
تحياتي يافندم

غير معرف يقول...

الاستاذة غير معرف
يا افندم انت تمري في اي وقت والمدونة كلها تحت امرك وانا تحت امرك وتحت امرك حقنك كلها

معاكي حق طبعا في كل اللي انت قولتيه
انا ماقلتش مين السبب في الحب اللي ضاع
يمكن انا
ويمكن هي
ويمكن الظروف
وانا ماحددتش ده انا قلت انه راح
ممكن تكون حاجات كتيييييرة قوي هي السبب
المهم انه ف يالاخر راح
مين بقي السبب مش مهم

وشكرا علي المرور والنقد والحقن الجميلة
ههههههههههههههههه
تحياتي يافندم



لا شكر على واجب ، احنا تحت أمر الشعب :)

إن شاء الله نشوف ابداعات تانية

وع الماشي كده، ساعات حاجات بتروح عشان ترجع أقوى (لو حب حقيقى) ؛)

kalamfady يقول...

ياعم انسى وكبر دماغك