الأحد، 5 أكتوبر، 2008

حرايق يامصر




بعد مسلسل الحرائق المتتالية في بلدنا الحبيب والتي انتهت بحريق مصانع المحلة الكبري قرر السيد المسؤول الكبير قوي قوي قوي في البلد تخصيص وزارة جديدة تسمي وزارة حرايق مصر

وفي اول هدية للسيد الوزير الجديد قرر سيادته حرق دم كل المصريين بتخفيضات ممتازة تصل الي 240 فولت لكل مواطن
وربنا يخليه للغلابة الماس الكهربائي اللي حارق دمنا ببلاش كده


هناك 18 تعليقًا:

انا ودماغي يقول...

لا حول ولا قوة إلا بالله
بجد الموضوع ده يحرق الدم فعلا
ربنا يخلينا الكبار قوى قوى و ميحرمناش من قرارتهم
هى دى الحكومة هى دى مصر

Manamino يقول...

معاكي حق ياميرو والله
ربنا يخليهم لنا يارب ومايحرمناش منهم ابدا
امال مين يعني هايحرق دمنا من بعدهم
تحياتي علي المرور

زُمُرده يقول...

هههههه
اسلوبك تحفه

ربنا يتولانا

ممكن نسميها مصر المحروقه
مباني تتحرق ووالفاعل ماس
دم غلابه بيتحرق والفاعل ماس
والله الماس الكهربي ده صعب عليا
بقى شماعة اخطاء الاخرين ونصب مسؤولين وما خفي كان اعظم

Manamino يقول...

زمردة
ماخفي كان اعظم
بس هو فيه اعظم من اللي احنا فيه ده
مصر اتحرقت من زمان قوي
ربنا يسترها علينا بقي
تحياتي

د/ رامي شهاب الدين يقول...

الحرائق هتستمر لسة طالما منظومة التعامل مع الكوراث بالشكل البدائى مستمرة

دا غير إن صيانة المبانى فى الضياع

وابقوا سلموا لى على الكبار

من كبيرهم لصغيرهم

كل حريقة وانتوا طيبين ..تحياتى

Manamino يقول...

د/ رامي
مافيش حاجة اسمها صيانة مباني
في دول العالم المتخلفة زي الدول الاوربية وامريكا مثلا تلاقيهم عاملين حاجة قال ايه اسمها fire fighting
قال يعني محاربة النيران ودي تقنيات متخلفة كدة بتحارب الحريقة قبل ماتولع اصلا
ههههههههههههههه
شفت الهبل
طيب بزمتك لو النظام ده اتطبق عندنا في مصر بلدنا المحبوب الجميل المتقدم
تقدر تقولي لما نكون عايزين نولع في المبني نقدر نولع فيه ازاي؟
وهو فيه التقنيات المتخلفة بتاعة محاربة الحرايق دي؟
ويقولولنا الغرب سبقونا قال
ييجوا يتعلموا مننا ويشوفوا ازاي بنطوع الماس الكهربائي لخدمة بلدنا العظيم
تحياتي ياباشا

habiba يقول...

ههههههههههههههه
لا بجد
دمك عسل عسل
ومش مزعج ولا حاجه
مش عارفه اعلق اقول ايه
اصله لا تعليق

حزينه يقول...

والله عندك حق
يعنى الحرايق مش بتسيب شويه وقت
لا بتيجى كلها ورا بعضها
والماس الكهربائى مستقصدها


حزينه

Manamino يقول...

حبيبة
ربنا يخليكي يارب ده انتي اللي عثل
ومعاكي حق
لا تعليق
التعليق الوحيد هايكون في عامود كهرباء هههههههههههههه
مسيره هايبان الكهربائي الكبير اللي بيعمل الماس الكهربائي ده وهانعلقه في عامود كهرباء ضغط عالي علشان يدوق اللي بيعمله في الناس
تحياتي

Manamino يقول...

حزينة
ليه بس الجزن مافيش حاجة تستاهل
الحرايق مش سايبة حاجة في حالها
عمالة تلوش في كل حاجة
مرة مجلس شوري ومرة مسرح ومرة مصنع
مش واخدة بالك من التنوع الجبار ده
يعني كل قطاعات البلد
سياسة وصناعة وثقافة
واحد صاحبي بيقولي ربنا يستر علي التعليم والمدارس
قلتله لا ماتخافش احنا ماعندناش تعليم اصلا
اتحرق من زماااااان
تحياتي

فلسطينية الهوى يقول...

متقلقيش بكرة هما اللي هيتحرقوا

ابن رشد المصري يقول...

تفتكروا ممكن تكون الحرايق دي زى حريق القاهرة المشهور اللى حصل فى سنة 1952 ..

واللى بعده على طول حصلت ثورة يوليو ..

تفتكروا ممكن .. يسمع من بؤى ربنا

Manamino يقول...

فلسطينية الهوي
ربنا يسمع من بقك يارب وانا متبرع بعربيتين جاز وسخ
علشان الناموس طبعا ماحدش يفهم غلط
تحياتي

Manamino يقول...

ابن رشد المصري
لالالالالالا اوعي تقول كدة تاني
يارب مايسمع منك
سنة 52 لما حصلت حريق القاهرة الدنيا اتشقلب حالها ومسك البلد شوية عساكر
يعني الحال بقي اسوأ من اللي كان قبليه
واحنا دلوقتي مافيش اسوأ من كدة
يعني مش ناقصين ثورة تاني تحصل ساعتها هايتعمل فينا ايه اكتر من اللي بيحصل دلوقتي
تحياتي ياريس

ضد التيار يقول...

ههههههههههههههه

اسلوبك بجد عسل

بس مالك بقى ومال الكهربا دلوقتى؟؟؟

شكلك ناوى تقلب التيار عليا و يقوله انى مشتركه معك فى الجريمه D:

Manamino يقول...

ضد التيار
ايه ده بقييييي
انت عايزة تدبسيني في الجريمة لوحدي وتخلعي ولا ايييييييييه
لالالالالا احنا ما اتفقناش علي كدة
انا عندي كل الادلة علي تورطك في الجريمة (حلوة تورطك دي انفع وكيل نيابة شبرا )
تحياتي علي مرورك الكريم
وانت اللي عثل

Rana يقول...

ايه ده يا مونمون ماشاء الله انا مش بحسد انا بقر بس المدونه بقى فيها مشتركين كتير ......انا قولت من الاول انت هتتشهر......وبطل تجيب فى سيره الناس وقضايا البلد ....لحسن تتشهر الشهره اللى هيا فى الصحف والجرائد

Manamino يقول...

رنا
بعد الشر عليا من الشهرة دي
وبعدين هو انا قلت حاجة ولا جبت في سيرة حد انت عايزة تلبسيني تهمة ولا ايه
لالالالالالالا احنا ما اتفقناش علي كدة احنا اصحاب اه بس الصحوبية اللي هاتوديني في داهية دي .........
شرفتيني يا افندم