الثلاثاء، 26 مايو، 2009

الحتة الخضرا في قلبي


طيب انت عارفة؟؟؟؟؟
والله العظيم كنت باحس انك جوايا
كنت باقول للدنيا خلاص
خفيت
حسيت
وضحكت لأول مرة عليكي
حطيت ايدي في نن عنيكي
وخطفت الفرحة
وجريت خبيتها
حطيتها
في الحتة الخضرا في قلبي
....................................................
ونسيتها
قلت الناس لو عرفت مش هاتسيبنا في حالنا
والفرحة ان بانت .....ظهرت !!!
اتسرقت
..............................................
وسابتني الدنيا
فرحان
سكران
حيران
هي الدنيا مش شايفاني؟
ولا الفرحة كبيرة لدرجة انها عامياني
.................................................
وقفلت عليكي في قلبي
ونسيت مفتاحه معاكي
وقابلت الدنيا بوش جديد
فرحان
وسعيد
...............................................
واتاري
الحتة الخضرا الفاضلة في قلبي
طرحت شجرة شوك
مديت ايدي لجوا
في قلبي
في وسط الشوك
دورت عليكي هناك
خفت عليكي من قلبي
من شوكه
م الحتة الخضرا في قلبي
ولقيتك
بعد مادخت عليكي
واقفة
وفي ايدك دلو الماياه
وبتسقي
شجرة شوك

هناك 34 تعليقًا:

Sweet Violet يقول...

اولا حمدلله على السلامة (:

ثانيا بقى ليه النهاية دى بقى

يعنى تغيب تغيب و ترجع كده )):

ده انا لو ولعت فى المدونة دى ماحدش هيلومنى

ابقى طمنى عليك بجد و ليه الغياب ده كله

ارجو تكون بخير

كيــــــــــــارا يقول...

في ايه

Manamino يقول...

Sweet Violet
ضد يا ضد يا ضد يا ضد يا ضد يا ضد يا ضد
ههههههههههههههههههههههههههههههههه
حتي لو غيرتي اسمك برضو مافيش فايدة
صباح الفل
معلش بجد انا متاسف جدااني غيبت عليكم الفترة دي كلها
بس خير اللهم اجعله خير قال ايه يا اوختي كنت فرحان
تصدقي؟؟؟؟؟؟؟؟
اه والله
معلش بقي
بس الحمد لله الحالة الغريبة دي ماطولتش
وخفيت من الفرح ده ورجعتلكم تاني اهو
ماتقلقيش انا خفيت خلاص وبقيت كويس اوتطمني
انا اصلي مافي عمار بيني وبين الفرح
بجد شرفتيني
واوستنيني في زيارة لمدونتك في اقرب فرصة

Manamino يقول...

كيااااااااااااااااارا
فيه كدة
تصدقي؟
ههههههههههههههههههههه
صباحك عسل
اخباراتكم كلكم
غيب عليكم معلش وماكنتش بازور حد فيكم
بس خلاص فضيتلكم يابشر
ورجعتلكم من تاني

مها العباسى يقول...

مش عارفه اقولك ايه للاسف دايما احلى مانكتب بيكون بحبر الالم والدموع

كيــــــــــــارا يقول...

رجعت تاني اقرا الكلام وجعتني اوي الكلمه دي


مديت ايدي لجوا
في قلبي
في وسط الشوك
دورت عليكي هناك
خفت عليكي من قلبي
من شوكه
م الحتة الخضرا في قلبي
ولقيتك
بعد مادخت عليكي
واقفة
وفي ايدك دلو الماياه
وبتسقي
شجرة شوك

Manamino يقول...

انت عارفة يامها
علي قد ما الدموع قاسية قد ايه
علي قد مابتعرفنا مين بيحب بجد ومين لا
علي قد مابتطهر القلب قوي

Manamino يقول...

معلش يا اكيارا
سلامتك من الوجع
انا اسف لو سببت وجع لحد

كيــــــــــــارا يقول...

عيب عليك في بينا كدا برده هو انا مش اختك ولا ايه

Manamino يقول...

اكيد طبعا ياكيارا
انت اختي الصغنونة
ربنا يخليكي ليا يارب

كيــــــــــــارا يقول...

ومش يحرمني من اخويا الزهيمرااااااااااااتى هيق هيق هيق هيق

Manamino يقول...

وبعدين بقي في الفضايح دي
يعنيالواحد مايعرفش يفضفض معاكم بكلمتين
لازم يتفضح كدة علي البلوجر
اخوات اخر زمن
مش لينا ميسينجر نتلم عليه ولا ايه

mahasen saber يقول...

رائعه رائعه رائعه بجد


وتعالا هنا بئه مليون حمدالله على السلامه
يا اخى انتا كنت فين
كان عليك فلوس لحد فاضطريت تستخبى ماشى ماشى بلاش فضايح نخليها سر

بس الشعر والحاله دى رائعه
عجبنى قوى جزئية اخطف الفرح من عنيكى دى
يا سلام لما الحبيب من حبه يعمى حبيبه

ههههههههههههههه محبه بئه يا منامينو

mahasen saber يقول...

بس بجد نورت نورت نورت

ومتغبش تانى

يااخى بطل تستلف فلوس من حد

لاسع افندى يقول...

بجد حلوه مع انها تعبتنى

تحياتى

Manamino يقول...

محاسن صابر
ربنا يخليكي يارب يامحاسن وحمدالله علي سلامتك انت كمانبقالك فترة غايبة عننا خالص
هو الموضوع مش موضوع فلوسولا سلف ولا حاجة
هههههههههههههههههههه
كل الحكاية اني كان عندي حالة غريبة كدة من الانشكاح في الاورطي بس الحمد لله راحت لحالها خلاص
المهم بقي بالنسبةللجزئية بتاعة خطفت الفرحة من نن عنيكي
هو مش بيكلم حبيبته
لا هو بيكلم الدنيا في الجزئية دي
بيقولها لاول مرة ضحكت عليكي
حطيت ايدي في نن عنيكي
وخطفت الفرحة
لان الدنيا مابتديش الفرحة لحد كدة بالساهل
لازم ناخدها غصب عنها
من نن عنيها
بس
وربنا يخليكي يارب يامحاسن عليالاستقبال الجامد ده
وانتوا اللي دايما منوريني
الواد بيرو عامل ايه
سلمي عليه كتير

Manamino يقول...

لاسع افندي
شرفتني بالزيارة
وكويس انها عجبتك
واسف لانها تعبتك
اكيد جات علي الجرح

hasona يقول...

السلام عليكم

حمد لله علي السلامة
يعني لما تكون فرحان تعمل كده

تبعد وتبعد وتبعد علشان مش نشوف الفرحة في عنيك

،،،،
بس جيت اهوة

كلماتك بها الكثير من الاسي
تؤلم وتدمي القلوب

أعانك الله علي تلك الاشواك
ولوعة الاشواق

Manamino يقول...

الله يكرمك ياعم حسونة
اديني جيت اهوه
شكلك فرحان فيا
مشكدة؟
ههههههههههههههههههههه
ولا يهمك ياباشا
اديني في الاخر برضو ماليش غيركم
تحياتي

أحساس لسه حى...كلام من جوه روح لكل روح يقول...

عزيزى

الكلام جميل واحساسك حلو بجد

مشعر حلوة بوظت احساس بالبوست بتاع كيارا والتشريدة بتعتها ليك

عجبنى الجملة دى

هي الدنيا مش شايفاني؟
ولا الفرحة كبيرة لدرجة انها عامياني

ساعات الفرحة بتعمينا عن الحقيقه

تحياتى

سلام

Manamino يقول...

أحساس لسه حى...كلام من جوه روح لكل روح

هواسمك كبير كدة ليه
عل يالعموم اسمك ياعم وانت حر فيه
هههههههههههههههههه
بجد نورتني ومتشكر قوي علي رايك
وعلي زيارتك
وماتصدقش البت كيارا
هي بس اللي بتحب تبالغ كدة
انت مين بقي وايه اللي جابك هنا؟؟؟؟
ههههههههههههههههههههههههههههههههه
شرفتني ياباشا

أكون أو لا أكون يقول...

تسلم... كلمات رائعه جداً...

جئت هنا بحثا عن صاحب البوست والمقالب العجيبه المذكوره في مدونه الصديقه العزيزه كيارا... هههههههه

سعدت بالتعرف على مدونتك الجميله...

Manamino يقول...

اكون او لا اكون
اهلا بيكي ضيفة عزيزة وباحثة عن المقالب واهلا بيكي بكل الاشكال والاوضاع
شرفتيني وشرفني رايك في المدنة
ربنا يخليكي يارب
تحياتي

emadiab يقول...

الاخ الغير آسف على الازعاج
فى اول مرة ازور مودنتك اتشديت للحظات و اهتميت انى اكمل قراية للآخر لحد ما انصدمت لكن حلوة الصدمة لو تعرف
و جميل ان الواحد يتحرر شوية من اى قواعد و يكتب اللى هو عاوزه و يطلع بشكل مميز برده

لو كنت فى مزاج و فى حالة تسمحلى كنت رديت عليك بكام بيت شعر

بس اسمحلى بسؤال عالماشي
مين ادى لحبيبك بذرة يغرس بيها الشر
مين قواه على فكرة تحصد بيها المر ؟؟

ده كل اللى فى دماغى حاليا من وحى اللحظة

نور الاسلام يقول...

السلام عليكم
اااااااااااااااااااااااااااااااااااه
اتشكيت من الشوك اللي بيشوك اللي انت زارعه في المدونه ابقي شيله اصله بيشوك بس ابقي حاست لا يشكك اصله بيشوك

كلامك جميييييييل
بس كله حززززززززززن
افرح وخلي الهم لاصحاب الهموم
احنا صحاب الهمه واملنا يدووووووووووم

اتمني من الله ان يبدد حزنك
في رعاية الله
السلام عليكم

أسطى في زمن البلي يقول...

و القلب الأخضراني يا بويا

فرشوه رمل صحرا يا عين



و انا قلت خلاص التوبة يا بويا

مجنون دا اللي يحب يا ليل


مجنووووون دا اللي يحب يا ليل




مين اللي قال لك تخلي فيه حته خضرا ؟؟


بعد كدا لونه بني


انا خلاص لونته كاكي



بجد دخلت نافوخي البعكوكة بتاعتك دي

رغم اني راجع من شفت ليل و دماغي بيزن .. و الواحد في الساعات دي بيشوف الديك ارنب .. بس فوقتني و حركت كلكوعة المشاعر اللي جوايا


و مش آسف ع الازعاج


زيارة ما كانتش ع البال



تحياتي

.

Manamino يقول...

emadiab
سلامتك من الصدمة
شرفتني علي كل حال
واسألتك كلها منطقية
بس مين يسمع بقي
اللي بيحب مابيسألش هوبيدي ايه ولا حتي لمين
يالله
هانقول ايه بس
مش بيقولوا مراية الحب عامية
شرفتني ياجميل

Manamino يقول...

نور الاسلام
انا بجد بجد اتصدمت لما دخلت مدونتك
في الاول عجبتني جداااااااا
سواء نور الاسلام او بنوتة
بس اللي صدمني بقي اني عرفت انك في اولي اعدادي
مش باقلل من قدر سنك بالعكس دي حاجة مبهرة جدا
لان عقلك طبعا اكبر من ناس كتييييييير معديين التلاتين
ربنا يكرمك يارب ويزيدك من عقلك
بجد الدنيا لسة بخير
نورتيني ياجميل
بجد

Manamino يقول...

اسطي في زمن البلي

نورتني وشرفتني زيارتك اللي ماكانتش علي البال
ومبسوط ان البعكوكة عجبتك
احنا زمل علي فكرة
انا كمان مهندس بس انا معماري معرفش انت ايه
علي العموم فرصة سعيدة يا اسطي
انت شكلك كدة ميكانيكا
طالما فيا بلي بقي وحركات
شرفتني يابشمهندس

emadiab يقول...

ثانكس جدا يامنامينو و اتمنى انك تشرفنى فى مدونتى قريب

Manamino يقول...

emadiab
العفو ياعم اي خدمة
بس انا فعلا كل مرة احاول ادخل مدونتك مابعرفش
انت تقريبا قافلها ولا ايه انا مش عارف
بيقولي البروفيل بتاعك غير متاح
شوف المشكلة دي او حط لينك مدونتك هنا
تحياتي ياريس

أسطى في زمن البلي يقول...

لا لا لا خلي النور لاهل النور


و بعدين بجد انا اللي اتشرفت بمعرفة سعادتك


نيجي بقى لحكاية التخصص .. هو بلية ما بيكونش الا مهندزين الميكانيكا ؟

طب ما هي الميكانيكا ذات نفيييسها ميكانيكات كتير

خد عندك ميكانيكا حرارية و ميكانيكا موائع و ميكانيكا كم و غيرهم

انا بقى العبد الفقير الى الله من بتوع الميكانيكا الآخرانية خاااالص .. يعني من عباد الله اللي كانوا بينططوا الالكترونات الحواجز ... و ما يمنعش بالمرة نخليهم يناموا نومة الاسطى .. اقصد نومة اللي ما يتسموا العزاب .. و هالبت عن عجين الفلاحة


انما بقى سعادتك بتقول كدا بفخر : احنا زمل .. تقولش يا خي زمل في طره



اظن ما هالبت كلامي دا عامل ازعاج من اللي هوه


و مش آسف ع الازعاج

Manamino يقول...

اسطي في زمن البلي
ياباشا انا اللي ليا الشرف
وبعدين هالبت مافيش ازعاج ولا حاجة انتتشرف وتزعج براحتك وفي اي وقت
بس هالبت يعني وعدم اللامؤاخذة يعني ايه ميكانيكا كم دي
اخوك مهندس معماري (جاهل يعني بامور تنطيط الالكترونات والمسائل دي)
انا كل اللي اعرفه عن الميكانيكا هي الاسطي بلية اللي بينام تحت العربية
بسسسسسسسس
بس برضو شرفت ياريس

Rose sabet يقول...

رائعه