الخميس، 11 يونيو 2009

رسالة الي



صديقي.............
اعلم اني اخر من تنتظر منه هذه الكلمة
ولكن هل تعلم انني فعلا اشعر انك صديقي بل اني احيانا اشعر اني احبك وانك شخص عزيز لدي
قد تسخر مني وتضحك من كلماتي ولكن هذا ما اشعر به
بارغم من كل المتاعب التي اسببها لك
لالالالالالالالا لن اقل متاعب حتي لا اسخف واقلل من الكوارث والمصائب بل قل الاهانات التي اسببها لك
ما رايك اذا في كلمة اهانات
هل تفي بالغرض؟
اذا فلتكن اهانات
كم قسوت عليك ؟
انا لا اتذكر عدد المرات التي قسوت عليك فيها وان تذكرت فذلك لن يجدي
كم وضعتك في مواقف لا تحسد عليها
كم وضعت راسك تحت اقدام اناس لا ترحم من ذل
هل تذكر كم مرة وضعت خنجر في يدي اقربهم اليك كي يسدد الي ظهرك طعنات لم يمنعها صراخك؟
وكنت اقف من بعيد اسخر منك
كنت اسخر من بكائك وصراخك وادعوك انت تتحمل ماجنيته عليك وجنيته انت علي نفسك
ولكن هل تعلم
احيانا كنت ابكي
ابكي منك ومعك وعليك
كم شقيت بك وانت تتبعني دون كلمة
دون اعتراض
كم تركتك وحدك تصرخ وتبكي وتحترق
ولم ارحمك
لم اكن بجانبك يوم ما
اتدري؟
احيانا حينما اجلس وحدي اتسائل
هل نحن فعلا اصدقاء؟
ام انك مجرد شخص وضعه القدر في طريقي وجعلنا متشابهين في اشياء لم تكن قليلة ابدا يوم ما
كم ضجرت منك
وكم تمنيت ان اتركك واذهب حيث لا تعرف اين انا
ولكنك تتبعني كظلي دائما
كثيرا ما انتهرتك وغضبت عليك ولم يكن لك رد سوي البكاء
صديقي
اعتذر لك عن كل مابدر مني
وارجو ان تتحملني كما تحملتني دائما دون شكوي
لا اعلم الي متي ستتحملني
ولا اعلم الي متي سأظل اهينك
ولكني اعلم انك لست بالسذاجة التي تجعلك تعتقد ان اعتذاري هذا معناه انتهاء مأساتك معي
فقد يكون هذااول اعتذار لي اليك
وقد يكون الاخير
ولكن سخافاتي واهاناتي لك انت وانا نعلم جيدا انها لن تكون الاخيرة
شعرت فقط الان اني اريد ان اعتذر اليك
هل تعلم انني لم اكن افكر في هذا مطلقا قبل ذلك
كنت اعتبرك ملكية خاصة بي افعل بك ماشئت دونما اعتراض من احد
او قل انني كنت اتعامل معك كما يقول الناس في بلدنا (ما بين الخيرين حساب)
صديقي
انتظر مني المزيد من اهدار كرامتك امام من اتخيل انهم يتسحقون ذلك
انتظر مني المزيد من اهانتك امامهم
انتظر مني الكثير من الطعنات اللي اسببها لك
ولكن لا تنتظر تكرار هذه اللحظة النادرة التي اعتذر لك فيها
لن اطيل عليك اكثر من هذا حتي اجد وقتا لافكر لك في مأزق جديد اضعك فيه
ولك مني كل انواع التقدير وعدم التقدير
صديقك او قل تابعك او من تتبعه انت

الراسل
انا
المرسل اليه
انا برضو


هناك 34 تعليقًا:

Kiara يقول...

الراسل انا

والمرسل انا

:(

مها العباسي يقول...

انت هو انت يمكن فى فترة ماتعجبش نفسك
يمكن تقسى عليها وتعترض وتثور بس هاتفضل انت زى مانت
ماتعتبرهاش اهانات او قسوة اللى مايعرفش يفهم انسان بيتعامل بوضوح وبيعتبروا دة ضعف او سخافه تبقى دى مشكلته بالعكس تبصله من فوق لتحت وتاخد صاحبك فى ايدك
انت فى ايد انت وتمشى تصفر
:)

Mina يقول...

كيارا
ماكنتش فاهم ردك بس انت فهمتيهولي
ياريت كل واحد فينا ييجي عليه الوقت اللي فعلا يقدر يعتذر لنفسه عن اللي بيسببه ليها
بس هل فيه حد مننا فعلا عنده الجرأة علي ده؟
اتمني
تحياتي

Kiara يقول...

اه في بس لما نكون في وقت فيه المصداقيه مع النفس

Mina يقول...

مها العباسي
ساعات كتيرة الواحد هو اللي بيحط نفسه تحت رجلين ناس يمكن يكون عارف انهم مايستاهلوش بس مابيقدرش يعترف بده
بس انت عرفتي منين اني باحب اصفر؟

بـِصَمتـِـ أميرة ــــى يقول...

وقفة مع النفس
هتعمل ايه لو نمت يوم وصحيت
بصيت
وشوفت نفسك فى المرايه بكيت؟
جواك سؤال تصرخ تقول أنا مين
أنا مين؟؟
أنا زى ماانا واللا اتقسمت اتنين ؟
وبعدييييين
قول ياللى فى المرايه
فهمنى ايه الحكايه
حبيت الوقفة اللى كانت بينك وبين نفسك
بس يارب الوقفة الجايه تقوله بشكره يانفسى وتبقى فرحان كدة ومزأطط
:)

تقبل مرورى
(ملكة بحجابى )

عاشقه الرومانسيه يقول...

حلو انك تلوم نفسك وتحاسبها
لكن مش هتكون نفسك معاك بكميه الظلم ده
محدش بيظلم نفسه قوى كده
ولا انا بيتهيئلى؟

Sweet Violet يقول...

هو الحقد عمل مفعوله ولا ايه

لالالالا ازعل انا

هى القاعدة قدام البحر بتعمل كل ده ؟؟

طب الواحد يخاف بقى منه احسن

^^^

لالالا جد بقى علشان متعصبش فى المدونة دى و اولع فيها ^_^

حلو اوى الاعتذار ده

كنت متوقعة من نص الرسالة كده انك بتكلم نفسك او بالمعنى أصح "قلبك"

لكن النهاية غريبة شوية

بتعتذر و انت على يقين انك هتكرر تانى اللى حصل !!!!

MaNoOoSh يقول...

لالالالالا
انا مش معاك يا منامينو
ازاي نستمر فى اهانة أنفسنا
هو ينفع الواحد يقسي على نفسة أصلا.. مش كفاية الناس والظروف

انا معاك فى الاعتذار.. لكن تكرار الخطا فى حق النفس لأ لأ لأ

لاسع افندى يقول...

اعتقد انها بداية التصالح مع النفس



تحياتى

مها العباسي يقول...

ماهو لازم اعرف انك بتصفر
دا حتى عيب
:)

جريدة الصباح العربي يقول...

أولاً أرحب بكل من استجاب للدعوة وانضم الينا من جديد وأتمنى من الجميع الاعلان عن لينك جروبنا الجديد لكي نعود كما كنا في الجروب الثاني

ثانياً سنبدأ الآن وبإذن الله في مسابقة الشعر والخواطر "تفاعلكم معنا هو ما نرجوه"

عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................

تحياتي وتمنياتي للجميع بالتوفيق

تم نقل الجروب الى العنوان التالى
http://www.facebook.com/group.php?gid=108978046672‎

جريدة الصباح العربي يقول...

أولاً أرحب بكل من استجاب للدعوة وانضم الينا من جديد وأتمنى من الجميع الاعلان عن لينك جروبنا الجديد لكي نعود كما كنا في الجروب الثاني

ثانياً سنبدأ الآن وبإذن الله في مسابقة الشعر والخواطر "تفاعلكم معنا هو ما نرجوه"

عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................

تحياتي وتمنياتي للجميع بالتوفيق

تم نقل الجروب الى العنوان التالى
http://www.facebook.com/group.php?gid=108978046672‎

Mina يقول...

ملكة بحجابي
انا زي ما انا ولا اتقسمت اتنين
انا بحب الاغنية دي جدا
وكل لما اسمعها اعيط
تفتكري ليه؟
حساسية؟
ممكن برضو
متشكر علي مرورك الكريم
وربنا يخليكي يارب
ويارب المرة اللي جاية فعلا اكون باشكرني
تفتكري ده ممكن يحصل؟
يارب

Mina يقول...

عاشقةالرومانسية
لا طبعا مش بيتهيألك ولا حاجة
وماحدش بيتعمد يظلم نفسه
بس ساعات كتيرة بنظلم نفسنا من غير مانقصد
او بنظلم نفسنا علشان ناس بنبقي فاكرين انهم يستاهلوا
وساعات بيكونوا فعلا يستاهلوا

Mina يقول...

sweet violet
ولا اقول ضد ياضد ياضد ياضد ياضد
هههههههههههههههههههه
شوفتي بقي القاعدة قدام البحر بتعمل ايه
تصدقي انا كنت هناك امبارح كمان
بس مارضيتش اقولك علشان ماتحقديش عليا
بينيوبينك انا جربت حقدك وشوفت طلعت منه بايه
ربنا يستر

النهاية مش غريبة
كلنا بنعتذر لبعض وبنقول اننا مش هانغلط تاني بس بنغلط
لو كل واحد فينا كان صادق مع نفسه وهو بيعتذر لاي حد هايعرف ان دي مش اخر مرة
بس الفكرة اننا بنتمني انها تكون اخر مرة
بس هل كل مايتمناه المرء يدركه؟
اتمني ذلك
يارب

Mina يقول...

MaNoOoSh
ساعات بنظلم نفسنا باننا نسيبها تتعرض لظلم الاخرين
ماحدش بيظلم نفسه بايده
بس ساعات كتيرة بنتخيل ان اللي بنعمله هايفرح حد تاني ومابيهمناش حتي لو تمن ده اننا نيجي علي نفسنا شوية
بس المشكلة اننا ساعات بنكتشف ان كل اللي عملناه لا فرح حد ولا سابنا في حالنا
يعني لا طولنا بلح الشام ولا عنب اليمن
ولا ايييييييه؟؟؟؟؟؟؟؟؟
شرفتيني

Mina يقول...

لاسع افندي
تفتكر؟
تصدق انا ماعتدش بافتكر اي حاجة
علشان ما اتصدمش
مع ان فيه شخص عزيز عليا قالهالي مرة قبل كدة
بالراحة علي نفسك شوية علشان ماتتصدمش
بس انا ماصدقتوش
ودخلت بقلب جامد
هههههههههههههههههههههههههه
يالله
اتمني فعلا تكون بداية التصالح
ياعالم
شرفتني ياجميل

Mina يقول...

مها العباسي
صح والله
معاكي حق
ده حتي عيب لما ماتعرفيش اني باحب اصفر
بس انا نسيت اصلا كنت باصفر ازاي
كنت باعملها زمان
ايام الروقان
يالله
كانت ايااااااااام

Bola 7elmi يقول...

صراع بيني وبين نفسي يشتد

غالبا م بتكلم مع نفسي .. وتحصل مشاحنات بينا .. أحيانا بحس انو عندي انفصام ف الشخصيه

بس الحقيقه انو الواحد بيبقى جواه تناقضات كتير .


أي حد بيغلط ف نفسو .. بس لازم ييجي وقت يتصالح مع نفسو
::



" مش آسف "
حلو كلامك عجبني اسلوبك :)
أول زياره ليا و بحذرك مش هتبقى الاخير ومش اسفه ع الازعاج :|

kanisho يقول...

روعة يا مينا بجد تسلم ايدك
فعلا الدنيا بقيت بتخليك متعرفش نفسك وساعات كتير تحط نفسك فى مواقف لا تحسد عليها بجد وفى الاخر تقول لازم تعمل كدة عشان تعرف تعيش بس هو السوال المهم بقى
انت بتعيش عشانك ولا عشان الناس

Mina يقول...

Bola 7elmi

اتمني فعلا ماتكونش اخر زيارة
معاكي حق في كل كلامك
ساعات كتيرة الواحد بيحس ان جواه شخصيات كتيرة متناقضة
وساعات شخصية فيهم تثور علي التانية وتحاول تحطمها
بس الشاطر اللي يكسب في الاخر
تحياتي

Mina يقول...

SANY
صح
سؤالك مهم
انت بتعيش لمين
ده بقي كل واحد لازم يرد عليه بنفسه
وصدقني حتي الانسان الواحد ممكن يرد عليه باجابات مختلفة حسب الوقت اللي هايتسأل فيه
شرفتني

kochia يقول...

انت النهاردة لازم تاسف علي الازعاج
ليه بتعمل ده
ياتري بقصد ولا عفوا
ارفق بنفسك قليلا يا صديقي فليس لديك سواها

تحياتي

حلم بيعافر يقول...

احدكما يرسل الى ظله

hend mossallam يقول...

2da bgd bgd 7elwa awiii 7elwa fe3lan w 3agabetni awii
w 2l blog kolaha 7elwa awiii
w 2l posts koloha latyfa




ma3 ta7eyaty...

عايش... ولكن !!!! يقول...

هيا بداية التصالح مع النفس
لكنها قاسيه زياده عن اللزوم
تحياتى

بلاش فضايح يقول...

كويس اوى ان الانسان يكون صديق نفسه
ومهم كمان

وكويس ان مقدر تعب نفسه معاه
وبيصالح نفسه
لان الانسان فى الآخر ملوش غير نفسه
نفس الانسان هى اصدق واوفى صديق له

طبعا محدش فهم منى حاجة
ما علينا
بس الموضوع جميل
تحياتى

Mina يقول...

kochia
لا اسف علي الازعاج مطلقا
ده شعاري في الحياه
وبعدين مافيش حاجة بنعملها في نفسنا بتكون عفوية
كل حاجة بتبقي مترتبة ومتظبطة ومنشنة
ساعات بس مابناخدش بالنا من العواقب ساعة البديايات
صح
انت معاكي حق
كل واحد فينا مالهوش غير نفسه
ده اللي اكتشفته بس متأخر شوية
يالله
ادعيلي

Mina يقول...

حلم بيعافر
صح
معاك حق
تعبان معانا قوي ظلنا ده
مشحتفينه ورانا في كل حتة

Mina يقول...

I'm The CraZy One
ربنا يخليكي ياجميل
متشكر علي الزيارة والكلام الحلو ده
تحياتي

Mina يقول...

عايش ولكن
التصالح بين الانسان ونفسه حاجة مهمة ولابد منها
لان الواحد ماينفعش يعيش مع حد متضايق منه ومش متصالح معاه
فما بالك لما يكون الحد ده هو نفسك
اللي عايشة معاك طول عمرك
وفي كل حالاتك وافعالك
ربنا مايكتب علي حد الغربة مع النفس دي
بتبقي وحشة قووووووووي
واسألني انا

Mina يقول...

بلاش فضايح
انا بقي فهمت
هههههههههههههههههههه
اصلي بافهمها وهي طايرة
تحياتي ليكي
ومتشكر علي الزيارة
واتمني تكرارها

Cute Kitty **sookra يقول...

احساس حلو اوى حسيته وانا بقرا البوست دا وهو انى :
عاوزه اعيط اوى لانى زى مابتقول انا لوحدى ولما ببقى لوحدى بحس بالمشاكل اوى وبحس اد ايه وحيده والبوست بتاعك دا زود همى ياعم زى مابيقولوا فى الامثال(جبتك ياعبد المعين تعينى لقيتك عاوز تتعان)
تتعان اى حد يساعدك
سلام
take care