الأحد، 25 أكتوبر 2009

إلي اين ؟؟؟

130217

نصحوني بحب غيرك كي انساكٍ

فلم اجد من تستطيع ان تشغل مكانك بقلبي

فأحببتك من جديد

……………………………………………………

قالوا لن تستريح حتي تكرهها

وحاولت

فوجدتني اتشرب حبك مع كل محاولة

حتي تشعب وتغول بداخلي

……………………………………………………

وها أنذا احاول ان ابغض الحب ذاته بكل مشتملاته

فتري الي اين سيقودني ذلك ؟؟؟……… لست اعلم

هناك 15 تعليقًا:

Cute Kitty **sookra يقول...

انا اول تعليق يامنامينو
وعاوزه شيكولاته
اللى يحب موش ممكن يكره
انا متأكده من كدا
سيقودك الى الحب فى النهايه
وبرده عاوزه الشيكولاته

Sweet Violet يقول...

ماشاء الله على النصائح
فى واحد اتقال له نفس النصائح بتاعتك و نفذها و قدر
مش بقولك يامنامينو انت بتحسسنى ان لسه فى خير فى الحب

المهم بقى الانسان الطبيعى "وماتنساش ان لكل قاعده شواااااذ نيهاهاهاهاها"
لو عمل اللى انت عملته لازم يوصل لنفس النهاية
يعنى لو بتحب غيرها علشان تنساها ها ها يبقى بتحلم و مش هتنسى
لو هتكرها علشان مش تحبها يبقى بردو ها ها هتحبها اكتر

بتسأل بقى الى اين
هقولك للحب بردو يبقى ماتحولش تجبر نفسك على حاجة علشان تعرف توصل للى انت عايزه

adel يقول...

سيقودك ليها برضه ياعمونا

خد بيجو 7 راكب و انجز :):)

لاسع افندى يقول...

انساك ياسلام
انساك ده كلام



تحيه لاسعه

Pink Dreams يقول...

مينفعش ننسى حد بحد تانى

لاننا كدا بنظلم الشخص دا معانا

احساس صعب قوى

حـــلـــم كـــان يقول...

بجد كلامك جامد بس

بس انت تبقا عملت غلطه جياتك لو نسيت حد بحد تانى صدقنى مش هتظلم الحد ده بس دانت هتظلم نفسك قبله

تحياتى

صيدلانيه طالعه نازله يقول...

صعب اللى انت بتقوله ده
الحب عمره ما يتنسى حتى لو كان لعب عيال
بيفضل مكتوب فى صفحات كتابنا و مش ممكن يتمسح

mahasen saber يقول...

منحاولش تبغض الحب بذاته بكل مشتملاته لانه ببساطه مش انتا الشخص اليى بيعرف يبغض او يكره

ياابنى انتا معجون من حب وطيبه يبقى تكره ازاى ...
فهمنى

وبعدين عاجبنى قوى تمسكك بيها برغم كل المعاناه الاصرار ده بيخبى وراه حب قوى وحقيقى

رائع يا منامينو

rony يقول...

اللى يحب ميعرفش يكره
وميعرفش ينسى حبه بحد تانى
وميعرفش يبغض الحب ده
لانه هيوصله ليها برضه
بس كل اللى ممكن يعمله
انه يخطفها قبل الوقت ما يعدى
وغيره يخطفها
تحياتى

Kiara يقول...

وانت ليه تعمل حاجه غير اللي انت عاوزها لو قدرت تحب واحده تانيه غيرها يبقي انت مش حبتها اصلا

هو في حد بيقدر يفر من الحب

حلوه يفر دي ياحثل هههههههههههههه

امشي ورا احساسك بلاش تحمل نفسك اكتر من اللي هي شاتيلها

ارحمهاااااااااااااااااااااااا

بيطرية ومش بايدى يقول...

لست ادرى !!!!!!!!
ربنا يعينك ويقويك ويبعد عنك اى هم او ضيق
وخاطرتك جميلة اوى
والكلام تحفة بجد
كلمات قليلة لكن معبرة اوى وحساسة
ربنا يكرمك يارب

ماتقول آآآآمين

يارب مااكونش ازعجتك
واكون ضيفة خفيفة

يلا سلام موبايلات بقى باى

Dr. Ibrahim يقول...

الحب لابد منه وهى حاجة ولابد من إشباعها ولكن هل يتم إشباعها بطريقة صحيحة؟

أسما عواد يقول...

يا صاحبي
الحب لعنة
تطاردك اينما ذهبت
لكنه اللعنة الوحيدة التي نبحث عنها جميعا
ونسعد لإصابتنا بها

donya يقول...

مساء الخير

كلمات بسيطه رقيقه كالحرير
طيب لما كل الحب ده موجود ليه الفراق والنسيان
يبقي اكيد هي ماتستهلكش وبعدت
يبقي نسينها لابد وضروره حتميه
ماهو مش معقول افضل احب اللي باعني وعذبني
والا ايه


تحياتي

كيكى عوووووو يقول...

دى ايه فلسفة الحب ده؟؟!!!