الأربعاء، 16 ديسمبر 2009

خروجا من فراش الكسل

كسل

لم يكن باستطاعتي الكتابة مؤخرا لما انتابني من حالة الفتور والكسل المعتاد ,

ولم تفلح المحاولات المضنية من الاصدقاء المقربين لدفعي قصرا لتغطية التدوينة السابقة التي اصابت برودة الجو اوصالها من جميع الاتجاهات.

ولم يجبرني علي الخروج من تحت فراش الكسل اللذيذ سوي تهديد احدي الصديقات بانها هاتعملي فضيحة بجلاجيل ـ علي حد تعبيرها ـ اذا لم اتكبد عناء الكتابة مرة اخري.

وبم اني لا اعلم مدي الجلاجيل التي ستفعلها صديقتي العزيزة والتي غالبا ما اظن انها جمع مذكر سالم لصديقي جلال ,

وبم اني ايضا احب صديقي جلال , لم يطاوعني قلبي ان ادع احدا يفعل به فعلا شائنا مثل هذا ,

فلم اجد باستطاعتي سوي ان انزل علي رغبتها خوفا من الجلاجيل هذه , فانا لا استطيع تحمل جلال واحد فما بالك بمجموعة من هذا الجلال !!!

وضعتني هذه الصديقة في هذا المأزق الذي لم تضع لي معه مخرجا او حتي بصيصا من امل , فلقد القت بالكرة في ملعبي دونما توضيح لملامح هذا الملعب وتركتني اتخبط باركانه .

فما سأكتب وكيف امسك بقلم تجمد به حبره لاجعله ينزف من جديد !!!

تذكرت الان اوانا احاول ان اتشبث او قل اتشعبط باطراف حديثي الممتع هذا ـ علي اعتبار اني فقط من سيقرأه ـ ان عادة كتابنا الافذاذ ان يكتبوا مقدمة صغيرة كانت ام كبيرة تتناول موجز لم قد يدور بمقالهم او اسباب كتابته ومن ثم يكون متن المقال وفي النهاية تكون الخاتمة توجز ماقد تم تقديمه مرة اخري.

وبتدهور حال الكتابة في عصرنا مثلها في ذلك مثل كل المجالات الاخري , وجدتني اكتب مقدمة طويلة لمقال قد لا يتجاوز سطرا واحدا اردت ان اقول فيه

والله العظيم وحشتوني

واستغني كلية عن الخاتمة

هناك 38 تعليقًا:

سجود يقول...

السلام عليكم
طيب احنا مستنين مواااااااضيع كتيره بقي فيها مقدمه وخاتمه وكله بس المره ديه من غير ماحد يعمل جلاجيل ولا جلال واحد حتي

سجود يقول...

واو دا انا اول تعليق الحمد لله

تحيااااااااااتي

سجود يقول...

بفرح انا باول تعليق بما اني محتله في بعض المدونات

سجود يقول...

لو كنت اعرف اني الاول ماكنتش قرات الموضوع دلوقتي كنت عملت الفرح الاول وبعدين اقرا برواقه

فاتيما يقول...

طيب يا سيدى مشكرين
و انت كمان وحشتنا
و يا ريت تكتب حاجة جديدة بقى بعد هذه المقدمة المفوهة العصماء
و إلا إحنا روخريين
هنعملك فضيحة بجلاجل
و جرسة بحناجل ..
وإشمعنى إحنا يعنى؟!!
على جنب ملحوظة صغنونة
الصورة حلوة قوووووى
أصل اختك فاتيما مجنونة قطط

Cute Kitty **sookra يقول...

عموما حمدالله على السلامه واشكرلنا صديقتك دى وكمان جلاجيل اشكرهم جدا عشان هنقرالك تانى بسببهم

P A S H A يقول...

:))

يا جامد يا جامد يا جامد

لأ حقيقي حلو .. خدتني على خوانه .. ماشي يا معلم

أخبارك إيه يا باشمهندس ؟

أنت اللي وحشتنا والله العظيم ... طمننا عليك يا ابني متقوقع فين ؟
اتمنى أشوفك قريب .. لإنك بجد من الناس الممميزة جداً اللي اتشرفت إني عرفتهم يوم البؤجة .. عاوزين نكمل موضوع الهوية ولا نسيته ؟ :))
سلام

мαησηα يقول...

اعتقد انى عرفت صديقتك السكرة دى واعتقد انى هاجيبلها شوكولاتياه هدية

وعتقد انك زودتها اوى يا منامينو ف موضوع الكسل ده

فين بقه التدوينة الجديدة ولا انت بتحنسنا

ع فكرة شكل جلاجل ده هيتبهدل معايا انا وصديقتك دى هههههههههه

adel يقول...

ياراجل كل ده عشان واحشتوني

طيب كل سنة و انت طيب ياسيدي :)

!!! عارفة ... مش عارف ليه يقول...

بعيداً عن أسلوبك الساخر والممتع جدااا

وعن المقدمة اللذيذة

والمتن الدسم

والخاتمة التي لخصت كل ما يمكن أن يقال

بقي لي أن أقول لك


أنت كمان وحشتنا أوووي
وكل سنة وأنت طيب


وليد

لاسع افندى يقول...

وانت كمان وحشتنا



تحيه لاسعه

كيكى عوووووو يقول...

انا اول مرة اشوف كلمة وحشتونى مختلفة كدة1!!!

samhsezz يقول...

مقدمه جميله يا كسلان افندي
يعني لو كنت واد نشيط كده ومصحصح مكناش هنشوف الروعه في الوصف ده
خليك كسلان علطول :)

Sameh Ezzat - (خواطر خاطر) يقول...

مقدمه جميله يا كسلان افندي
يعني لو كنت واد نشيط كده ومصحصح مكناش هنشوف الروعه في الوصف ده
خليك كسلان علطول :)

قوس قزح يقول...

خلاص يا مينا عرفنا ديتك
هى جلاجيل
كل ما نعوز منك حاجة تهددك بالجلاجيل


انت كمان وحشتنا
يلا بقى
مستنين جديدك
العقد اتفكت :)

Sweet Violet يقول...

لا ياراجل ؟؟؟
انت بتهرج صح
ده شكل مش الفيس بس اللى هيتفرج ده بلوجر و كل المواقع المجاورة ليه
ايييييييييييييييييه البوست ده
هو انا اعمل الهيصه دى كلها علشان البوست ده و فاكر يعنى ان بكده هتقدر تقنعنى و تسكتنى
ها ها ده عشم شوشو فى الجنة على فكرة
منامينوووووووووووووووووو
بوست ينزل زى البوست اللى قبل ده بس يكون حلو طبعاااا مش زيه بالظبط يعنى
يااما هنفذ تهديده
و انت شوفت انى لما بقول بعمل و الفيس يشهد

و خصوصا ان فى شوكولاته فى الموضوع منونة القمر بترشينى على فكرة
يبقى انا هتلكك على اى حاجة علشان اعمل هيصه كده و تنزل و اخد الشوكولاته بقى نيهاهاهاهاهاهاهاهاهاهاها

كل سنه و انت طيب و بردو هتنزل بوست
×_×

mahasen saber يقول...

كل ده عشان تقول وحشتونى ...
طب متشفش وحش يا ابنى ..ااقلك وش بيطلع لسانه زى ما بيقولوا كدا فى التعليقات..

شوف انا كنت هطلب ترجمه للفلسفه اللغويه والتعبيرات الجلاليه الليى افحمت بيها مقدمة البوست الجليله ودى جايه من جلجل

بس احمدك يا رب انها وضحت وتوضحت واتفهمت وفهمنا اننا وحشناك

طبعا انتا واحشنا اكتر يا ملاك

قيس بن الملووووح يقول...

شاركونا الراي والخبره في جمعية مقاومة الطلاق

Mina يقول...

سجود
.........
الفرح فرحك ياستي
هههههههههههههههههه
قصدي يعني المدونة مدونتك اعملي فرح زي ما انت عايزة
وربنا يسهل
ادعيلي عقدتي تنفك واعرف ارجع تاني للقم اللي قرب يصدي
تحياتي يافندم

Mina يقول...

فاتيما
..........
اخوكي بقي مدمن سلاحف
هههههههههههههههههههههه
بحب القطط برضو بس بقرف منها علشان دايما بتفكرني بالفيران
وبعدين ياستي هو انا ناقص جلاجبل
مش كفاية عليا الجلاجيل بتاعة صاحبتك سويت اللي عايزة تفنجر البلوجر كله
يالله
ربنا علي المفتري
نقول ايه بس
وبعدين ايه الكلام الكبير ده
مفوهة وعصماء
فاتيما الزمخشري؟

Mina يقول...

sookra
.................
الله يسلمك ياجميل
وصديقتي دي انا عاوز اخنقها مش اشكرها
ههههههههههههههههه
وجلال بقي اتمرع عليا في الاخر لما لقي الناس كلها بقت بتهتف باسمه
جلال جلال يعيش جلال
ونسي انه اصلا اصلا طلع علي اكتافي واني انا اللي عملتله الشهرة المزعومة دي
ونسي ان الحزب كله اتبني طوبة طوبة علي كتافي وكتاف الغلابة الشقيانين
...............
ايه اللي باقوله ده
يالله ماعلينا
ربنا يجعل كلامنا خفيف عليهم

Mina يقول...

p a s h a
.........................
باشا باشا باشا
ازيك ياجميل
والله العظيم واحشني
انا بارد عليك دلوقتي بعد ماقفلت معاكي عليطول
فمش هاطول عليك بقي ما احنا لسة راغيين مع بعض دلوقتي
الله
ايه الناس دي
هههههههههههههههههههههه
الله العظيم انت كمان واحشني
وزي ما اتفقنا ربنا يرتب ونقدر نتقابل قريب
شرفتني ياجميل

Mina يقول...

๓คภ๏ภค
................
صديقتي وبلدياتي وكمان زميلة مواليد السنة الفقرية 81
ايه بقي
فاضل ايه تاني
خايف نطلع قرايب ومانعرفش
ههههههههههههههههههههههههههههه
عاجبك كدة
اهي صديقتي اللي انت عرفتيها ياستي اتمرعت عليا علي الاخر وماصدقت ان فيه شوكولاتة بقي
وباعت الصداقة اللي بيننا بشوكولاتاية
عاجبك كدة
هو احنا مش بلديات برضو ولا ايه
ماشي ماشي
وبعدين الواد جلال اتبهدل خالص بينكم كدة
ده هايتبري مني قريب
................
سؤال بريء عليالهامش
مين جلال؟؟؟؟؟؟؟؟؟؟؟؟
شرفتيني يامنونا

Mina يقول...

adel
.................
طبعا يابو العداديل
هو انتوا اي حد برضو ولا ايه
لازم وحشتوني بتاعتكم تكون مختلفة
كل سنة وانت طيب

Mina يقول...

!!! عارفة ... مش عارف ليه
..............................
استاذي العزيز الراااااائع وليد
والله العظيم واحشني جدااااااااااااا
وعارف اني مقصر معاك جداااااااااا
بس صدقني زي ما انت شايف كدة حالة التبلد اللي الواحد فيها
كتير بارح عندك المدونة علشان اشوف الميل بتاعك علشان ابعتلك ميل وعلي ما اوصل عندك انسي انا جيت هنا ليه
هههههههههههههههههههه
معلش بقي انت عارف الزهايمر اللي الواحد فيه
كل سنة وانت طيب يا استاذي العزيز

Mina يقول...

لاسع افندي
....................
لا بقي انتوا وحشتوني اكتر
تحية مش لاسعة خالص

Mina يقول...

كيكى عوووووو
.......................
علشان انتوا ناس مختلفين لازم تبقي وحشتوني بتاعتكم مختلفة
............
افتقدناكي جدا كلنا يوم اللقاء
ماجيتيش ليه
لعل المانع خير

Mina يقول...

Sameh Ezzat - (خواطر خاطر)
................................
اخييييييييييييرا لقيت حد منصف ومعايا في حالة الكسل اللي انا فيها
روح ياشيخ وخليك هناك شوية
الدنيا هناك دفي برضو والبطانية ليها رونقها برضو
كل سنة وانت طيب ياجميل

Mina يقول...

قوس قزح
.............................
اهو ده بقي عيب ان الواحد يفضفض معاكم بكلمتين
يعني الواحد لو ماكانش يفضفض مع اسدكاؤه يفضفض مع مين بس
....................
حاضر ياستي هايبقي فيه جديد قريب ان شاء الله
والبركة فيكي وفي مساندتك
هههههههههههههههههه
حلوين البقين اللي في الاخر دول
ابقالك الله لنا ذخرا ياريس
ياريس متقال يعني ماتقلقيش

Mina يقول...

Sweet Violet
........................
كدة يانورا
كدة؟؟؟؟؟؟؟؟
تبيعيني بشوكولاتاية
اهون عليكي؟
مااااااشي يانورا مااااااااشي
وبعدين حاضر ياستي
حكم القوي بقي
هاعمل ايه
حاضر من عونيا
هاعمل بوست تاني
يارب يعجب

Mina يقول...

mahasen saber
............................
ربنا يخليكي ياجميلة
انتوا اللي واحشتوني قووووووووي
ومن غير اي وشوش
لا بيطلع لسانه ولا بيطع عينيه
شرفتيني يا ام بيرو ياجميلة

Mina يقول...

قيس بن الملووووح
.........................
. . . . . . . . . . . .

غير معرف يقول...

رغم ان المقدمه كانت طويله والمقال كان كلمه .. الا ان الاسلوب عاجبني جدا :)

دعاء عويضه يقول...

بعد هذه المقدمة القوية و المتن السخي و الخاتمة الطويلة احب اقولك انك وحشت اكيد كل المدونين
و و الله كتر خيرها صديقتك دي
انا محتاجه بجد حد زي كده يقولي كلمتين في العضم و فضيحه بجلاجيل برده
لان انت عارف ما بدخلش في تعليق الا للشديد القوي
ههههههههههههههههههههه

بعدين البنت عندها حق ما تحط دفايه و تكتب علشان احنا بجد بنحب كل كتاباتك

بس بجد البوست ده عجبني جداااااااااا

Mina يقول...

Hager Za3bal
.......................
ماهي دي مقومات الكتابة الحديثة
هههههههههههههههههه
كتابة التفعيلة
شرفتيني يافندم

Mina يقول...

dodoo
.........................ز
ربنا يخليكي ياجميلة
وبعدين يعني انت جيتي في جمل؟
بس كدة
احنا في الخدمة وتحت الامر
عندنا كل الجلاجيل مجابة
انت بس تؤمري

أميرة علي كوكب مهجور يقول...

حمدلله ع السلامه

Mina يقول...

أميرة علي كوكب مهجور
.............................
الله يسلمك يارب