السبت، 19 ديسمبر، 2009

عن الجدلية الازلية بين الكبرياء والكسل اتحدث

مرة اخري وجدتني مدفوعا للكتابة ولكن هذه المرة ما دفعني لم يكن سوي ذوق رفيع لمسته في تواصلكم الكريم مع شخصي - اللي مش كريم خالص – كما وجدتني ايضا اتسائل مابيني وبين نفسي وأردت ان اتشارك معكم هذا السؤال

عندما اتيحت خدمة التدوين علي شبكة المعلومات كان الهدف منها شيئين لم يكونا متاحين من ذي قبل

اولهما توفير موقع مجاني لذوي عدم القدرة علي امتلاك موقع الكتورني وتصميمه ومتابعته وتطويره باستمرار – ونحن جميعا تقريبا نمثل هذه الفئة –

وثانيهما هو توفير التواصل الغير متاح في معظم المواقع الاخري وذلك بوجود التعليقات التي تتيح للكاتب معرفة اراء الناس حول مايكتب

لم يمر بخيال مصمم موقع بلوجر الشهير ان يتحول حقل التعليقات الذي يذيل به كل تدوينة الي دفتر حضور وانصراف

بمعني ان من يقرأ – او قد لا يقرأ – لا يهمه سوي ان يثبت حضوره بان يكتب اسمه ويخرج مسرعا كي يلحق بركب التعليقات في موضوعات اخري ولا يهدف من ذلك سوي الانتشار وجمع الزوار لمدونته

وانتشرت التعليقات المنسوخة في جميع المدونات فتري احدهم يكتب جمييييييييييل ويلصقها في كل ماتمتد اليه يده من تدوينات وهكذا رأينا تعليقات محفوظة لبعض المدونين

فكلما زرت مدونة ورأيت تعليق ما اعرف مباشرة ان صاحب هذا التعليق هو فلان – اكيد مش باعرفه من خطه يعني – فهناك احدهم مشهور ب........ رااااائع استمر........... واخر ...... بارك الله فيك وجعلها في ميزان حسناتك ......... وثالث ........ براااااافو .......... الخ

قد يكون هذا مقبولا في اوقات معينة

وقد لا اجد مايقال سوي راااااااااائع اذا ما انبهرت بشيء ما ولم استطع التعبير سوي بذلك

ولكن هذا يكون مقبولا في ابداء الرأي في الاعمال الادبية مثلا

ولكن مامعني هذا اذا كان الموضوع نقاش حول امر ما او نقد لشخص او فعل ما؟

والاهم من ذلك من ينسخ رابطا دعائيا لمدونته او لموقع ما ويلصقه في كل المدونات بدون قراءة – او حتي شبهة قراءة –

ونجد من يقاطع من لا يرد التعليق بتعليق مثله او خير منه بل ولابد من ان ارد علي تعليقه عندي في مدونتي ومن ثم اذهب الي مدونته واعلق عنده , بخير او بشر هذا لا يهم , المهم ان ارد الزيارة , والا يقاطعني ولا يزورني ثانية

اخي العزيز – منك ليه ليها – لا اعيب عليك ماتفعله فلكل منا طريقته في التعبير عن نفسه ولكن سؤالي الان

هل اوصف بالكبرياء اذا لم ارد علي تعليقك عندي؟

لقد كتبت شيئا ما وانفعلت انت به وعلقت عليه

اذن انتهي الموقف

ما الداعي لان ارد علي تعليقك وترد انت علي ردي ولابد ان ارد ايضا علي ردك ونقحم انفسنا في دوامة من التعليقات والرد عليها

قال لي صديق تعرفت عليه قريبا بانه كان يتابعني وظل الي الان ولكنه لم يعد يعلق عندي لاني لا أرد علي تعليقاته

صديقي العزيز

تعليقاتك انت وكثير من الاعزاء أريد كثيرا ان ارد عليها لانها تحمل معاني اري انه احيانا ينبغي ان اتواصل معها فقد تحمل لي نقدا علي ما كتبت او قد تحمل اضافة الي ماكتبت وهذا ماينبغي ان اتواصل معه

ولكن مايمنعني في كثير من الاحيان اني لو علقت علي كلامك ولم اعلق علي من كتبوا قبلك ............ رائع وجميل ...... ستكون بيني وبينهم قطيعة الي الابد لانه علق عندي ولم اعير تعليقه اهتماما

للمرة الثانية ارجو الا يساء فهمي – مش اخو نظمي – علي ان هذا كبرياء مني في الرد علي التعليقات ولكن لو كنت انا من يأتيني علي الاكثر عشرين تعليق لكل تدوينة اجد جهدا في الرد عليهم فما حال من يأتيه فوق المائة تعليق – والله العظيم ماهو قر -

خصوصا اذا كان معظمها من نوعيات الاستحسان والدعاية والانتشار

......................................................................

صديقي

علق بما تحب

استحسن كما تري

قل رأيك بصراحة فيما تقرأ

ولكن ارجوك لا تغضب اذا لم ارد عليك

فقد اكون غير قادرا علي الرد

وقد لايكون عندي الوقت او الجهد

ولكن صدقني فهذا ليس كبرياء

...............................................

هذا ليس حكما ولكنه رأيا

وارجو ان يقول الجميع رأيه في الموضوع بمنتهي الصراحة – حتي لو فيها شتيمة -

هناك 16 تعليقًا:

Unique يقول...

صح جدا .. متفقة معاك تماما
ده زائد مباريات حجز التعليق الاول ومقايضات علق عندي واعلق عندك
حتى ان الحال يصل في بعض الاحيان الى اني احجم عن التعليق عند البعض خشية ان يفهم اني اريد ان يبادلوني الزيارة والتعليق فحسب
الموضوع ببساطة يتلخص في ثقافة التفاعل الحقيقي واستحسان الحسن واستبعاد السيء وده لا يمنع انك احيانا ممكن تعلق فقط من اجل التشجيع او لالقاء التحية اذا لزم الامر في حدود المعقول
اما جزئية ان ترد على كل تعليق يرد اليك فهذه غالبا عبء على المدون ولا تضيف شيءعلى شاكلة .. جميل .. و .. مرورك هو الاجمل
صدقت فعلا "كتبت شيئا ما وانفعلت انت به وعلقت عليه اذن انتهي الموقف ما الداعي لان ارد علي تعليقك وترد انت علي ردي "
قد ترد على تعليق او اثنين اكثر او اقل ولكنك لست ملزما بالرد دون حاجة ملحة
تكلمت سابقا عن اعجابي بالمدونات التي لا تتيح التعليق عليها ولكن في رأيي ان التوسط هو الحل .. تستقبل التعليقات من اشخاص يقصدونها حقا ولا يشعرون انهم مجبورون عليها وتترك انطباعاتك ان اردت على انتاجات الاخرين دون ان تنتظر منهم ردا او زيارة مقابلة دون داع

adel يقول...

معاك جدا و افتكر لما اتكلمنا قالتلك اني للاسف منتعود ارد علي اي حد في مدونتي غير كده مش بعلق الا لو في شئ هاقوله

لاني مبقولش رائع و جميل دي

الا في مدونة واحدة و هي الست فرويد لاني مش بلاقي تعليق الا رائع و جميل دي

๓คภ๏ภค يقول...

انا جه ..
سالخيييييييير يا منامينو

منور وبجد بوست جميل ليك شوكولاتايه

ع فكرة بجد بتخنق من موضوع اجبار الواحد ع انه يرد ع التعليقات او انه يجبرك ع انه زى ما انت بتعلق عندى يبقى انا هاجى اعلق عندك

عارف بقت بردو نظام مجاملات طيب ما احنا ياجدعان عاجبنا المجتمع ده المفروض يعنى لانه بعيد عن المجاملات

بقينا زينا زى المجتمع اللى احنا هربانين منه علشان مش لاقيين حد بيتعامل زينا

وزينا دى اللى هى بدون فروض فارضها علينا المجتمع وهى اصلا غلط

تصدق انا كنت بفتكر الناس بتزعل منى لان اغلب المدونات انا بدخلها ومش بلاقى رد وبمشى

بحس انهم بيفتكرونى مش بتابعهم بس الفيس بوك دلوقتى حل الموضوع ده بقيت ممكن المح انى قرات البوست الفلانى وعجبنى وهكذا ..

انا معاك ف رأيك انه مش بالضرورة ارد ع تعليقاتك او هو مش عدم احترام منى لردك عندى

كل الحكاية اننا مش هنقضيها ردود ع بعض صدقونى احيانا بيضيع الوقت واحيانا بتبقى ناوى تعمل حاجة وتيجى ترد ع التعليقات فتلاقيك يا نسيت يا زهقت وقمت

ياريت الناس تاخد الموضوع ده بصدر رحب شوية ويكونوا متفاهمين للحكاية دى

سلمت ايدك منامينو يا بلدياتى وصديقى العزيز ومواليدى عاااااااا ماتفكرنيش :(

خد بقه الشوكولاته دى

http://www.talkingretail.com/images/063D8AEA-1B92-11D9-A258-B96F2D727A86/A7E96EA8-4106-11DC-829F-3626640B077D/7FD97D20-4414-11DC-A6C5-8507640B077D.jpg

๓คภ๏ภค يقول...

ايون نسيت اقولك السخافة بقه اللى هى حجزت اول تعليق ههههه بصراحة بتشل وربنا من الحكاية دى

مستخلص افندى يقول...

الموضوع فعلآ مش كده خالص

انتا دخلت مدونه وقريت يبقى ترد رد يليق بالموضوع او بالتدوين

مش ترد رد بعيد عن كل حاجه

بالزبط زى اللى بيحصل فى المنتديات اى حد يرد اى رد علشان يأخد اللينك ولا الصوره ولا البرنامج واللى بيدخل يعمل دعاهي لموقع او منتداه وشغل شكلة وحش

انا عن نفسى مش بحترم اى صاحب موقع او اى حد بيعمل حركه زى دى

الانتشار مش بالساهل ومش على اى حاجه

ممكن ادخل منتدى واقلب فيه كله وما الاقيكش حاجه تعجبنى فيه الا موضوع واحد بس

وممكن ما الاقيش حاجه خالص

للاسف فى ناس كتير مش مقدره النقطه دى

وفعلآ اللى يغيظ نقطه الانتشار بالعافيه

وموضوع حجزت اول رد ده بيضحكنى لانه ملهوش لزمه

ما تحجز اول رد ولا الرد الاخير حتفرق فى ايه ؟.

ربنا يعين

قوس قزح يقول...

ردى عليك هنا
http://kouskoza7.blogspot.com/2008/05/blog-post_08.html

و برافووووووو.. هااااايل .. و فى ميزان حسناتك :))

فاتيما يقول...

إيه يا عم فيه إيه؟
إنت حد جه جنبك و لا كلمك ؟؟
متعلقش انت حر
المهم انك بتتابع و تقرى
الناس اللى بتتكلم عليهم دول
يا مانمينو انا بسميهم القماصين
و انا مبحبش القمصة بصراحة
الواحد المفروض يتعامل عادى
و بعدين الناس بتاخد على اسلوبه
و طريقته
معرفش ليه الناس بيعتبره
تجاهل لشخص صاحب المدونة
او تجاهل لرأية المكتوب
بس شوية بشوية الحكاية بتهدى
و الناس القماصة دى بتحسبها
بشكل تانى
وش الخير كانت كاتبة بوست
من اروع ما كتب ف الحكاية دى اسمه بورصة التعليقات و اظن الرابط بتاعه اللى هيا حطاه فى التعليق اللى قبلى علطول ...
خالص ودى ليك
و كلمة بس براحة كدا فى نهاية البوست الجميل دا ...
حسك
عينك
يا مينا
إيااااك
الاقيك معلقتش عندى فى أى بوست
و لا حاجة
نهارك هيزرق
و يسود
فيتحول للون الكحلى المائل للأسوداد
انا بقولك أهو ...

كيــــــــــــارا يقول...

طب انا قريت ومش راده هه بس

كيــــــــــــارا يقول...

واللله الموضوع مش رد عندي ارد عنده

الموضوع بعد عاجبني البوستات عاجبني الافكار بستفاد بطمن علي الشخص اللي بيكتب انما رد مردش كبررررررررررررررر











وبراااااااااااااافوووووووووووووو يامنامينو :-p

P A S H A يقول...

- رااااااااااائــع ... مذذذذذذذهل ... بديييييييييييع ... أحسنت .. هههههه

مساء الفل يا ريس .. أنا قلت آجي أمضي آهه .. عشان تيجي تمضي أنت كمان عندي .. معايا أنت هههههههه بالمناسبة صح .. تسمح لي أكتب اسم مدونتي هنا ؟ ... أنت عارف إننا داخلين على انتخابات ومحتاج لكل صوت اليومين دول ههههه

بص يا Manamino كلامك صح أنا موافقك عليه .. بس فيه نقطة إذا سمحت لي بالنسبة لجزئية الإنتشار .. فعلاً فيه ناس كتير بتعمل كده .. وأنا كنت واحد منهم لحد قريب .. مش باشحت زوار .. بالعكس ده أنا دلوقت باقول فين أيام المدونة القديمة اللي ما حدش كان يعرفها وكنت باتجلى فيها براحتي من غير ما حد يراقبك ويتفلسف عليك ويديك في حكم ومواعظ ... قد ما فعلاً بيهمني رأي الناس .. وإلا أقفل المدونة وأهيس براحتي أو أقفل التعليقات خالص .. بس الفكرة في التواصل .. تصدق إن فيه ناس فعلاً التعليقات بتفرق معاها كتير ؟ .. تصدق إن فيه ناس أعرفها كانت بتكتب عشان مستنيه تعليق من حد معين أو مستنيه رأي معين ؟ .. أنا ساعات بابقى فعلاً مش قادر ولا طايق أرد .. ويمكن كتير مش بالاقي كلام حلو أعبر بيه لو لقيت بوست فعلاً عجبني .. كل اللي ممكن أعمله إني أرسم إيموشن .. بس ..
ما تحملش نفسك فوق طاقتها ... يعني لا تكتب عشان حد ... ولا برضه تعلق عشان حد ... اللي أنت عاوزه وحاسه أعمله :)) واللي مش عاجبه ياخد فطيره :)
أوعى تحذف التعليق ده أحسن أزعل منك ههههههههه
سلام يا باشمهندس يا عسل

!!! عارفة ... مش عارف ليه يقول...

والله يا مينا عندك حق في كل اللي قولته

والموضوع بقى واخد شكل العلاقات الاجتماعية

وافتكر إن إحنا الجنسية الوحيدة اللي الموضوع اخد الشكل ده عندها

وكلامك صح بالنسبة للبعض اللي ممكن يتابع ممدونة من غير ما يعلق فيها علشان يثبت حضور وانصراف

وافتكر ان ده حصل معايا بشكل شخصي مع مايكل لو تعرفه وكان جه مرة فجأة كده زي ما تقول خرج عن صمته وقال انه متابع المدونة عندي من زمان بالرغم من انه مش بيعلق الخ يعني من الكلام ده

المهم نفس الشيء ده بعمله مع بعض المدونات بس للأمانة اللي مش بلاقي فيها حاجة محتاجة التعليق مش بعلق يعني مثلا ساعات بيكون الموضوع تافه أو صفيق بصراحة مش بحب اعلق عليه وخصوصا ان التعليقات بتكون في نفس إطار الموضوع وبيقضوها تريقه وتلميحات اقل ما يقال عليها إنها مش لطيفة

وبصراحة كنت فكرت في فترة من الفترات إني مش ارد على التعليقات عندي زي ما قولت انت كده إنما فعلا في بعض الأحيان بيكون في تعليقات تستوجب الرد لتوضيح موقف أو إجابة على سؤال طرح عليك وصاحبه مستني إجابة وبالتالي زي ما قولت لو رديت على ده وكبرت لده هتبقى زعله ولازم تروح تصالحه بكيس جوافة

وعلشان اكون فيرر معاك في بعض الأحيان بكون منتظر تعليق من شخص بعينه وعلى سبيل المثال حسن ارابيسك وفعلا كنت منتظر تعليقه على اخر موضوع عندي
وبالرغم من اني معرفوش بشكل مباشر إنما عندي ثقة في وجهة نظره وتقيمه للأمور

وبالرغم من انه شلفط موضوعي الأخير إلا إني بصراحة اتبسط منه جدااااااا لانه حط ايده على نقاط ضعف كانت تساورني وأنا بكتب الموضوع ومحل حيرة ولما قال وجهة نظره دي حسيت إن كان عندي حق في تحفظي وإحساسي ان الموضوع كان مفروض يكون مكتوب بشكل غير كده


أهو ده مثلا تعليق مهم بعيداً عن المجاملات اللي لا تقدم ولا تأخر

وأخيراً بقى اسيبك علشان انا رغيت كتير جداااااااااا

أقعدوا بالعافية


أه صحيح نسيت أقولك
ده إيميلي علشان نبقى نعلق مع بعضيششنا على إنفرااااد

walzhairy@yahoo.com
walzhairy@hotmail.com

سومه...مجنونه فى بلد عاقل يقول...

عاااااااااااادى يا زبادى ما انا احيانا فى ناس مبتردش عليا وببقى عارفه انها بتقرى تعليقى واحيانا منتظراه وبعلق برضو عندهم
اقولك كلمه تفرسك :q
جميييييييييييييييييييل
بس ساعات والله فعلا بيكون الحاجه رائعه وبيكون لكاتب وفى وكفى فمبيبقاش فى تعليق غير جميل ورائع

Wanda يقول...

:-))
انا مكنتش حرد
بص انا لقيتك كاتب اخر جملة قول تعليقك :-) تعليقى وجهة نظرك ليها منطق
ماشى مش حعلق عندك تعليقات عبيطة :-)

اعتبرنى دخلت بصبح عليك
صباح الخير :-)

dodoo يقول...

متفقه معاك جدااااااااااا
لان بجد موضوع لازم تعلق علشان الناس ترضى تعبر البوست بتاعك دي حاجه صعبة جدا
و لو في يوم مش فاضي او مش مركز لاي سبب ممكن تدخل تلاقي البوست بتاعك مهوي مع انك كنت مستمر معاهم قبل كده
بس بجد وصلت كل اللي جوايا انا شخصيا و باسلوب بجد جميل اوي
ميرسيه يا منامينو و اتنمالك كل التوفيق

هيثم مكارم يقول...

أوافقك الرأي تماماً

Angel يقول...

صباح الخير مينا ..

معاك جداً والله في رأيك
أنا من ضمن ناس كتير أوي في مدونات متبعاها في القراءة وإن مردتش على بوست ولا اتنين ولا عشرة بقراها بس مش لازم أرد معنديش وقت أو مش عايزة أرد وخلاص عشان اتحسب أني جيت وسجلت حضور زي ما قلت (:

وفي ناس بقدرها جداً بيجوا عندي بعد فترة من الزمن ويقولوا والله البوست الفلاني وده بقاله شهور عجبني فيه كذا ويناقشوني فيه إذن هما بيتبعوني بس قد يكون وقتهم ضيق ولا يسمح بتعليق كل شويه وعلى كل بوست
......

ومش بحب اللي يعلق أكتر من مرة وكأنه شات إلا اذا نسي حاجة ..

.......

أعتقد أنك اتكلمت في أمر مفيد كتير مننا بيفكر فيه

.... أشكرك على ذلك ..
ودمت بود واحترام