الأحد، 3 يناير 2010

قوانين الوراثة الطبيعية

وراثة

جلست في تلك الحافلة اللعينة راثيا حالي بعد ان فاتني موعد القطار عائدا الي قاهرة المعز ناظرا الي طفل يمرح علي اقدام ابيه في المقعد المقابل لي ملاحظا ذلك التشابه الذي قد يصل الي حد التطابق بينهما

ولا اعلم لما تجسمت امامي في تلك الاثناء صورة الاستاذ "يحي الشهاوي " مدرس الاحياء في المرحلة الثانوية غارقا في عرقه محاولا بشتي الطرق "قلوظة" تلك المعلومات المحشو بها كتاب الوزارة كي تناسب تلك الاجسام الهلامية الدقيقة الموجودة بداخل جماجمنا الكبيرة المسماه "بالمخ البشري"

ولم تكن تلك المعلومات سوي قوانين الوراثة الطبيعية المتمثلة في قوانين عالم الوراثة الاشهر "مندل"

تذكرت وقتها ما ورثنا من ابائنا وما  ننتظر توريثه لابنائنا فلقد لعبت الوراثة الطبيعية دورا لا يمكن انكاره بجانب دورها في المظهر الخارجي للمصريين الذين لا تربط بينهم ملامح واحدة سوي في المنطقة الخلفية من الرقبة التي ندعوها "قفا" في لونه الازرق باختلاف درجاته

لعبت تلك القوانين دورا مهما في توريث هذا الشعب الكثير من الصفات المكونة للشخصية مثل حب الكسل والكثير من الكلام بدون عمل حقيقي وتمصير كل ماتمتد اليه ايديهم من مخترعات والاستغلال الامثل لكل مايوجد في طريقهم  والامثلة علي ذلك كثيرة اقربها ما حدث في انفاق كبري امبابة التي كان الهدف منها صيانة جسم الكوبري ولكن رجل الشارع المصري بحذاقته المعهودة رأي فيه مالم يراه صانعوه فاستخدمه اوكار لممارسة فعل الاغتصاب والتحرش بفتيات القي بهن حاذق مثله عرف كيف يتنصل من ابوته

ويطفوا علي السطح في هذه الايام لفظ التوريث بمفهوم اخر لنري حكام يورثون الحكم لابنائهم بالاضافة لما ورثوه اياهم من بلاهة وتغطرس وشعب بل لنقل " عبيد " مقهورين

وسط كل هذه الموروثات والمورثين والوارثين تذكرت ماعندي من صافت ورثت بعضها واكتسبت الاخري ووجدتني افكر تري اي منها سيرثها ابني اللذي قد يرزقني به الله – بعد ان يرزقني امه الاول- ان شاء الله

فوجدتني اتمني الا يرث مني سوي شيء واحد وهو حبي واحترامي لكل الناس

فوالله العظيم والله العظيم بحبكم كلكم

هناك 13 تعليقًا:

!!! عارفة ... مش عارف ليه يقول...

جميل يا مينا :)

بتعجبني دايما صياغتك لموضوعاتك بالمزج بين ما تريد أن تقوله وهو مغلف بطبقة من الشيكولاته يستسيغها المتلقي .. ويبتسم مع كل جملة ينهيها من نصك محكم البناء :)

وهذه مهارة تحسد عليها

-----------

وفي تطوير مصري كمان لاختراع "الموبايل" بتاع "الميسداياااا"

لما يبعتلك "ميسد كوول" بس كده بيحرج بيها السلااااام
من غير ولا مليم

دي موهبه المصرين الفطرية في "الفهلوه"


منظر دوماً جديدك :)

تحياتي

دعاء عويضه يقول...

بوست جميل اوي
في اوله فكرتنى بيم المذاكرة و المواد العلمية اللي بقيت فكراها طشاش

و في نصه كنا هنروح في داهية لكن ربنا ستر

و في اخره دعيتلك ربنا يجمعك بالانسانه الي تقدرك و تفهمك و يرزقك ربنا بالاولاد اللي تتمناهم
لانك بجد انسان بكل معنى الكلمة و بجد محبوب من كل اللي عرفوك

اتمنالك كل التوفيق دايما

Ranim Ayman يقول...

niiiiice pooost :D :D

سلمى يقول...

السلام عليكم
الزياره الاولى
اعجبتنى جدا فلسفتك للامور
لكن اعتقد ان هذه طبيعه الشعب المصرى لا يورث الا الحماقات
شابوه

Aиgel يقول...

مساء الخير ..
يا منامينو (:

أولاً : بجد بجد عجبني جداً التشبيهات اللي في البوست تشبيهات فلسفية (:

......
أنا في البداية فكرت أنه هيكون بوست علمي .. وهيتكلم عن الصفات الوراثية (: بس طلع مش علمي لكن واقعي جداً جداً
وأبسط فعلاً مثال اللي أنت طرحته عن الكوبري وانعدام الأخلاق اللي بيحصل
مش عارفه ليه دايماً بنستخدم جميع الأمور اللي حوالينا بطريقة سلبية
وللأسف مطالبين نحن بأننا نتكيف مع ده أوي .." أنا قريت الكومينت بتاع وليد " هو اتكلم على الميسد كوول
طيب نقول ده بيحصل من القريبين
لكن لما مثلاً كمان يعملوا لينا اني اتكلم على حساب متلقي المكالمة ألاقي أرقام بتعاكسني على حسابي " طبعاً مش أنا ده كان موضوع واحدة من المدونات " احنا للأسف مفتقدين التحضر ومنجرفين وراء استخدام سلبيات الأمور مع تلاشي الإيجابيات من حياتنا ):
ولا توريت الحكم ده كمان " محتاج رغي مني كتير :$ "

كنت هزعل أوي لو قلت مش عايز ابنك يرث منك أي شيء عشان مش بحب إنكار الذات كلنا بنملك صفات حسنة كتير
(: ويارب أولادك يرثوا منك كل جميل كطيبة قلبك وحبك للناس (:

......
تقبل مروري ورأيي المتواضع
دمت بكل خير واحترام

Angel love

adel يقول...

بقالك موضوعين عاجبني قوي يامعلم :)

عرفنا انك بتحبهم ياعم :):)

شمس النهار يقول...

قالها وليد
الفهلوه ذلك الاختراع المصري
اهو في حاجه صنع في مصر :)
اما موضوع التوريث
شوف ياسيدي

الميكانيكي ابنه عادتا بيطلع ميكانيكي

والعجلاتي كان برضه عادتا بيطلع عجلاتي
اومال يعني الدكان هيروح فين

طيب الدنيا اتطورت والانفتاح طقطق الجمجمه
اوم ايه
الدكتور هيسيب العياده لمين هي والمستشفي
ان جاب مجموع كبير في الثانويه العامه وورث عن ابوه الذكاء كان بها

ولو ماجبش مجموع يدخله طب في مصر
الفلوس تتحدث
ويتبعت امريكا يدرس الطب او اي حاجه بره واهو الدكتور المستورد احسن

مع تطور نظام الفهلوه واختلاطه بالكوسه
ودخول ابناء الدكاتره الثاناويات المستحدثه الغريبه
بيدخل بعدها كلية الطب وفي مصر وكمان بيطلع استاذ في الكليه زي بابي

واخيرا وليس بأخر

ابن الريس هيبقي ريس
حد عنده اعتراض

:))

micheal يقول...

والله أنا عن نفسي كرهت مندل بسبب إكتشافه هذا القانون
بيفكرني بجاحات كتير ملخبطة في البلد
:)
تحياتي

صوت من مصر يقول...

اظن المصريين ياشبهون البعض فى شىء وهو
ضعف القيمة
منون انت مميز

قوس قزح يقول...

قفا ارزق ؟؟
يا ابنى دى ختم الجودة
و بعدين تعالى هنا
مش كل الاطفال بتكون وراثتهم من الاب و الام بس .. والا يبقى شكلى وحش اوى لما حد يتعامل مع نور ..مش معقول شغل القرود اللى بيعمله ده وراثة :(

و على فكرة انت فيك حاجات كتير ممكن اولادك ياخدوها منك ويمكن اهمها قلبك الطيب :)

Mafrousa يقول...

انا جاية اقول كل سنة و انت طيب
و بعدين لاقيت الصورة اتغيرت اترسمت على وشي ابتسامة:)
و قلت دلوقتى حقول كل سنة و انت طيب معاها ابتسامة مش فرسة
:)))))

فاتيما يقول...

يا مينوووووووو

كل سنة و إنت طيب
يا فندم
وعيد سعيد عليك
يا رب دايما

مكنش ينفع مجيش و اعيد
عليك انت و عادل
و معايدة م القلب
بجد إن ربنا يجعل كل أيامكو أعياد
و فرح

خالص ودى ليك

epee يقول...

يجو الناس اللي بيتكلموا: كنتوا فين ايام مبارك؟ و يشوفوا
جدع يا واد
اتكلمت ع التوريث في عز دين الخوف