لم اكن اعلم ان هناك من يستمد روحه من كلمات مكتوبة
حتي وجدتني اتسمر امام رسالتك اقرؤها واعيدها
استنشقها
اتلهف طعما بين شفتي
اصارع النوم حتي لا تغيب من امام عيني
ترن في اذني كلمات اغنية لا اعلم من اين اتت
ايدي بتدور علي ايدك
وانا وسط الزحام
سامحني علشان خاطري
من يسامح من
سامحيني لاني لا املك سوي البكاء
سامحيني لاني لا استطيع ان اقتلع قلبي
عله يستطيع ان يفرحك دقائق
محتاج اشوفك ...المسك
علي كتفك الطيب
انام
حاولت انام مش عرفت
ليت قلبي يصبح وسادة
اتوق ان اصبح موسيقي هادئة
تتخلل اذانك لتستريحين
صوتك بيندهني
مش عارف السكة
صوتك بيندهني ولا سيبتليش عنوان
انا تعبانة فعلا تعبانة قوى كمان
ليتك تدليني علي مكانك
ربما استطعت ان اتحول ترياق لسعادتك
ربما استطعت ان اتخلي عن حياتي لصالح قلبك
مش قادر اوصلك
امتي هاتوصلي
محتاج اشوف ضلك
مايل علي ضلي
دائما ماتهربين مني
دائما ماتتقوقعين حول نفسك
كم مرة رجوتك الا تتركيني وحدي وقت حزنك
وحدتي وقت حزنك تفعل بي مالايفعله حزنك
ان كنتي ترين نفسك مثل طائر العنقاء
الذي يجدد ذاته بذاته
فانا لا استطيع
ارجوكي لا تتركيني وحدي في اصعب لحظات حياتي
لا تتركيني وقت حزنك
فربما ترجعين يوما لا تجدي سوي اشلاء
ايدي بتدور علي ايدك
علي صدري شبك ايدك
قلبي الضعيف بردان
ليه سيبتني وحدي
قبل الاوان بزمان
ايدي بتدور علي ايدك
هناك 20 تعليقًا:
كلامك رقيق جدا يا منامينو
يبدو أننا سنرىقيسا جديد فى عصرنا
أو جميلا كجميل بثينة
احذر أن تقع فى نفق الحب المظلم فمتاهاته لا نهاية لها كن واقعيا كلوحة فنان تبدو الرومانسية فيها لكن لا تغفل الواقع المرئى .
اتصلت لأقول لك كل عام وأنت بخير
وللأسف من يومها مشغول
فكل عام وأنت بخير
متشكر جدااااااااااااا يا استاذي الفاضل
وفعلا انا شوفت الميد بتاع حضرتك بس للاسف ماكنتش جنب التليفون
وحاولت اكلمك بعدها بس حضرتك يبدو انك مشغول
عل يالعموم انا اعتبرت المعايدة وصلت ومتشكر قوي قوي قوي لحضرتك
كل سنة وحضرتك طيب
ومتشكر عل يالكلام الجميل علي المدونة
اشكرك اخي
nice pooooost :D
منامينو
اين انت ياباشمهندس
موش عارفه اقولك كل سنه وانت طيب ولا اعزيك
عموما ماتختفيش كدا
اوك
دى حاله حب عنيف
لازم تروح لدكتور كويس
قبل الفاس ما تقع فى الراس
كلام حلو برقه اوى
الاغنيه دي انا حبيتها جدا وحسيتها جدا
وبرغم ان الكلمات قويه ورقيقه ومع اللحن عملت حاجه ملائكيه كده
الا ان كلماتك هزتني اكتر
كلمات تصرخ ولكن في عذوبه ورقه
تسلم ايدك يامينا
وجعت قلبي بجد
سلامي
مينا
.........
اخى وصديقى الحبيب
اولا احسن الله عزائنا جميعا فيما حدث للاقباط فى الصعيد
وإنى اشهد الله أنى ابرأ إليه من قتل اى قبطى وان هذه جريمة لا تبرير لها باى شكل حتى لو كانت الخلفية هى اغتصاب فتاة مسلمة لأن القصاص يكون بالحق وليس بالتعدى
......
اما عن كلماتك فهى كعادتك تنم عن شعور مرهف وإحساس راقى يعيش مع الكلمات لينسج منها اروع الاحاسيس
دمت طيبا ً
....
نورالدين محمود
منامينو
اسمع منى
انت رائع
احساس راقى ينم عن مدى احساس كاتبها
دمتى مبدعة
حروف
.................
العفو علي ايه
I'm The CraZy One
.........................
شكرا اي خدمة
sookra
.......................
انا هنا اهو
بس كان عندي حالة بيات شتوي
كل سنة وانت طيبة وبخير
لو عايزة تعزي حد يبقي لازم تعزي 80 مليون مصري
فقدوا الامان والحب
mony
...........................
والله رحت لدكاترة كتير
بس علي رأي عم حلم
ان كنت طبيبي ساعدني ان اشفي منك
ههههههههههههههه
صباح الفل
كل سنة وانت طيبة
شمس النهار
.......................
سلامة قلبك يارب
وربنا يخليكي علي كلامك الحلو قوي ده
نور الدين
.................
اشكرك صديقي العزيز
وطبعا ربنا يعزينا كلنا
يعزينا في كل اللي ماتوا
اللي اولهم الحب والامان والسماحة والعقل الواعي والاخلاق
ربنا يرحمهم ويعزينا علي فراقهم
صوت من مصر
.....................
ربنا يخليك ياجميل
انت اروع
صباح الصباح
.......................
اشكرك ياصديقي
بس مشيها دمت مش دمتي
احسن انا مش بحب الجبنة
حلوه وايد الكلمات :)
اقصوصة
...............ز
شكرا شرفتيني
إرسال تعليق