الجمعة، 9 يناير، 2009

مرايات

طول مااحنا ماشيين في الحياه بنقابل مرايــــــات

نبص فيها لــــحظة ونشوف اللـي فــــــــــــــــات

نضـــــحك نكــــركـــــع نبـــــكي ونحـــــــــــزن

ونــرجع نمشي من تاني وننسي كل الحكـــايــات

ـ ،بس خلاص

هناك 24 تعليقًا:

Rana يقول...

وعجبى ... مش بيقولوا كده بردوا
مش فى كل وقت بنقدر ننسى اللى فات
لو اللى فات عاش فى قلبك وروحك وعقلك
كان حته منك.....مفتكرش ممكن ننسى اللى فات أى ان كان
( انسان غالى على قلبك---
شىء كان يخصك وضاع---
حلم مقدرتش تحققه )
وحاجات تانيه كتير لو من قلبك مش هتقدر تنساها
حتى لو بقت مجرد ذكريات
وعجبى

Manamino يقول...

صدقيني يارنا مهما كانت الايام بتنسي
افتكري كدة زمان هاتلاقي حاجات كتيييير كنتي فاكرة انك عمرك ماهاتنسيها
ودلوقتي لما بتفتكريها بتضحكي علي نفسك
صدقيني في الاخر الدنيا بتغلب وبنمشي وبننسي كل الحكايات

أسما عواد يقول...

غختيارك جميل للإدراج
شكرا على مرورك بمدونتى وتحياتي

Manamino يقول...

شكرا يااسما علي المرور
تحياتي

كيــــــــــــارا يقول...

احم احم

مالك يابني مما كنت بعقلك

اه اه شكل الزهيمر بقي

*******

عجبتني اوي بس خلاص :)

riri يقول...

جامدة جداااااااااااا

تحياتى ليك بجد

maha zein يقول...

لا وسعات مبننساش
بس فعلا كلماتك بسيطة اوي
بس معبرة اوي
وبتحكي حكاية كل انسان عايش في الحياه دي

ايه يعني مودك النفسي شكله مش تمام
ربنا يسعدك ويفرح قلبك

عقل مهوي يقول...

وعجبي

مــها العباسى يقول...

مش كل حكايه بتتنسى
وخصوصا لو كانت حكايات المرايات
وعجبى برضه

Manamino يقول...

كيارا
اه شكله هو الزهايمر السبب والله ياكيارا
وبعدين ماعجبكيش حاجة غير بس خلاص؟
طيب ياستي
بس خلاص بس خلاص بس خلاص بس خلاص بس خلاص بس خلاص بس خلاص بس خلاص بس خلاص بس خلاص بس خلاص
كفاية كدة ولا اقول كمان
هههههههههههههههههههه

Manamino يقول...

riri
ربنا يخليكي يارب
ومتشكر علي المرور والمتابعة المستمرة
تحياتي

Manamino يقول...

مها زين
صدقيني لازم ننسي علشان نقدر نمشي ونكمل
حتي لو مانسيناش علي الاقل بنتناسي

مودي كويس وزي الفل ماتقلقيش
دي مراية كدة علي الماشي بصيت فيها علي اللي فات فقلت لزعجكم معايا
تحياتي يامهاميهو

Manamino يقول...

عقل مهوي
عجبي ياعم عجبي
ماشي ياعم الفسفس انت
فين ياعم ابداعاتك
مستنيين بوستاتك الجديدة

Manamino يقول...

مها العباسي
صح مش كل الحكايات بتتنسي
بس ساعات بنعمل ناسيين
وبنعمل مش واخدين بالنا
والايام بتنسي صدقيني
وعجبي برضو

zainab elmosalamy يقول...

بس مش كل الحكايات بتتنسى

تحياتى

Manamino يقول...

zainab elmosalamy
والله كله بيتنسي
مافيش اجمل من الايام اللي بتنسي اي حاجة مهما كانت
حلوة ووحشة
بس المهم نكون احنا عايزين ننسي
وحتي لو مانسيناش
بتعيش مجرد زكري
لكن الاثر بيروح ومابيفضلش غير الذكر
تحياتي

MaNoOoSh يقول...

النسيان دة نعمة ميعرفش قيمتها غير اللى عندهم ذاكرة قوية وبيفتكروا حتى الاحاسيس اللى مروا بيها فى اى موقف وممكن يمروا بنفس الألم تانى, والمراية ساعات بتخدعنا أو احنا اللى بنخدع نفسنا قدامها, ولو على الشكل ياااااااااارب المراية تخدعنى وابقى دايما فيها حلوة وصغيرة وزى القمر.

Manamino يقول...

nanoosh
يارب مرايتك دايما تقولك الحقيقة اللي هي انك حلوة وصغيرة وزي القمر
هههههههههههههههه
شرفتيني ياغندم

gana magde يقول...

ننس ايه ونفتكر ايه

مش تفكرك مرايا

لان المرايا عايشه جوانا

لما قلبك يعكس حزنك ويفكرك بزمان

قلب باعك . . . صاحب خانك

حد مات كل دى حكايات لا جزء من حكايات

عشتها وجواك ليها مرايات

بنضحك ونقول نسينا

والحقيقه ان جرحك عمره ما مات

يمكن تركنه . . . يمكن تتجاهله

بس ابدا عمره ما فات ولا مات ولا كان يوم محتاج لمريات

تقبل تحياتى

****جنـــــــــــــــــى****

Manamino يقول...

gana magde

ربنا يسامحك ياشيخة روحي منك لله
طيب ما انا عارف
لازم تفكرلايني يعني
ههههههههههههههههههههههههه
وبعدين هي المرايا ايه غير حتة جوانا
كل الحكاية اننا ساعات بنقابل حتة كدة تشبه اللي حصلنا زمان فبنفتكر اللي جوانا
ماهو لو مش عايش جوانا مش هانفتكره ولو حتي قعدنا قدام مرايات الدنيا كلها
شكرا يافندم

mostafa rayan يقول...

صح كلامك
- بوست منتظر عجبني قوي

Manamino يقول...

mostafa rayan
ربنا يخليك ياباشا
اتفضله لو عجبك
هههههههههههههههه
شرفت

أحلى حياة يقول...

السلام عليكم ورحمة الله وبركاته

عندك حق، فعلا سبحان الله دا تقريبا اللي بيحصل بشكل او باخر

ويارب مايكونش حصل ازعاج :)

تحياتي:)

Manamino يقول...

احلي حياه
يافندم مافيش ازعاج ولا اي حاجة
وحتي لو فيه هو احنا في ديك الساعة يعني؟
شرفتيني برأيك وزيارتك