الأحد، 18 يناير، 2009

بحبك بالكاتشب


بحبك زي اختي
بحب مصر زي امي والله
بحبه اه بس زي اخويا
بحبه قوي كصديق
كل دي مصطلحات بنسمعها كل يوم في علاقاتنا الشخصية والاجتماعية
واحدة بتحب واحد زي اخوها وواحد بيحب واحدة زي امه وحاجات كتيرة كدة

ياتري هو الحب انواع؟
اه طبعا
فيه حب ابوي وحب اخوي وحب رومانسي وحب عاطفي وحب الوطن وحب بالكاتشب وحب بالجبنة والليمون
مش كدة وبس
الحب كمان مقادير
يعني انا بحب فلان ده اتنين كيلو لكن فلان التاني ده يادوب 10 جرام علي قده
وفلانة دي بحبها موت موت ييجي تلاتة اربعة طن كدة

الحب عمره ماكان انواع ولا مقادير الحب حب
يعني انا بحب فلان او مش باحبه
واحد هايقولي ازاي ياعم انت انت هاتخرف ولا ايه يعني حب واحد لامه زي حبه لصاحبه زي حبه لمراته ؟؟؟؟؟؟؟؟؟؟؟؟؟؟؟؟؟؟؟؟؟ انت جري في عقلك حاجة

استني بس عليا
اه حب الواحد لامه زي حبه لمراته زي حبه لصاحبه
لانه بيحبهم كلهم
والحب واحد ودرجته واحدة
لكن طبعا بيختلف في طريقة التعبير عنه
يعني طريقة تعبيري عن حبي لامي بتختلف عن ابويا عن اخويا عن اختي عن مراتي عن خطيبتي
واكيد طبعا انت عارف هاتعبر لكل واحد فيهم عن حبك ازاي
ولو اتلخبطت انت عارف برضو رد الفعل هايكون ازا ي
هههههههههههههههههههههههههههههههه
وفيه عبارة مشهورة قوي بتقول ان الصداقة ممكن تتحول لحب لكن الحب مش ممكن يتحول لصداقة
الحب بين ولد وبنت يعني
برضو انا شايف ان العبارة دي كمان غلط
بما ان الحب واحد فممكن يتحول من اي صورة لصورة تانية بسهولة
يعني
انا كنت بحب فلانة وبعدين ربنا ماقدرش وافترقنا وماكملناش مع بعض فهل ده معناه اني ابطل احبها؟
وهل لو فضلت احبها هاكون باخون الانسانة اللي ممكن ارتبط بيها ؟
اكيد لا
مش هابطل احبها
ولا حبها هايتحول من حب بالجبنة المتبلة لحب بالشطة والليمون
كل الحكاية اني هاعبرلها عن حبي ده بطريقة مختلفة
يعني مش هاينفع اكلمها بالساعات في التليفون مش هاينفع كل دقيقتين اقولها بحبك وبموت فيكي وانت الدنيا وانت ام قويق
وبرضو مش هاينفع نقعد نخطط مستقبلنا مع بعض
بالظبط زي ماطريقة تعبيرك عن حبك لخطيبتك بتتغير بعد ماتبقي مراتك
ولا مابتتغيرش؟؟؟؟؟؟؟ (وش بيغمز)

الحب هو الحب
بكل اعراضه واحاسيسه
اللي بيحب حد بيبقي عاوز يفضل جنبه طول عمره بيخاف عليه بيوحشه حتي وهو معاه بيهتم بيه بيهمه يعرف كل حاجة عنه من غير مايضايقه او يجرحه او يحسسه انه بيفرض نفسه عليه
يعني كل الدش اللي فوق ده تقدر تلخصه في 3 كلمات
فيه واحد بتحبه
وفيه واحد مش بتحبه
وفيه واحد مش فارق معاك يعني لا بتحبه ولا بتكرهه زيه زي اللي ماتعرفهوش اصلا

في الاخر ده مجرد رأي وكل واحد حر في رأيه

هناك 48 تعليقًا:

riri يقول...

كلامك صح جدااااااااااااااااااااااااا
اااااااااااااااااااا

تسلم ايدك بجد :)

عقل مهوي يقول...


خايف اقول بحبك يا منامينو تفهمني غلط ;)

مــها العباسى يقول...

تسلم بجد يامنامينو
اقولك ايه
هو الحب حب
بس تقسيمته فى التعبير عنه
مش اننا نلف وندور ونحطله اسامى

mahasen saber يقول...

الحب هو الحب
عاطفه انسانيه قويه ونبيله
بس يا منامينو مش معقول هحب اخويا زى ما هحب جوزى
ومش معقول هحب ابنى زى ما بحب صديق اعرفه او صديقتى

فهمتنى يا منامينو

Rana يقول...

اد ايه الكلام اللى انت قولته ده جميل وفعلا الحب واحد هى اللى بيختلف طريقه التعبير بس يعنى بتحب حد او لا
وفعلا زى ما انت بتقول لو 2 بيحبوا بعض وربنا ما اردش انهم يكونوا لبعض مادام حبوا بعض حقيقى يبقى ........................................................................

MaNoOoSh يقول...

وانا اقول يا ربى كل اللى فات دة كان قونطة ليييييييييه... أتارية كان بالشطة والليمون وكمان مقاديرة مش مظبوطة
هههههههههههههههه
لا بجد عندك حق, وفعلا الحب ممكن يتحول من صداقة لحب لو توافر شرط الانجذاب أو بمعنى أصح الكيميا, بس أهم شىء فى الحب فى كل صورة أو أنواعة الاحترام والتفاهم.

Manamino يقول...

riri
ربنا يخليكي يارب
بس مين يقول بقي ومين يسمع
شرفتيني يافندم

Manamino يقول...

عقل مهوي
ياباشا قول براحتك
وانت عارف اللي فيها
انت بالذات بحبك بحبك بحبك بحبببببببببك
ههههههههههههههههه

Manamino يقول...

مها العباسي
اللف والدوران ده اهم سمة في الحب طبعا
ههههههههههههههههه
ومن غير لف ودوران الحب مايبقالوش طعم
يالله ربنا يسترها علينا
شرفتيني بجد

Manamino يقول...

محاسن صابر
طبعا فاهمك وعارف اللي بتقوليه كويس
بس يظهر انك ماقريتيش الموضوع كله للاخر
لو كملتي هاتلاقيني باقول نفس كلامك
بس الحب هو هو وانا باحب كل الناس دول زي بعض
لكن اللي بيختلف هو طريقة تعبيري لكل واحد عن حبي ليه
مش كدة ولا ايييييه
شرفتيني بالزيارة

Manamino يقول...

rana
يبقي ايييييييييه ............
ايه اللي مكان النقط دي؟
ماكملتيش ليه
هههههههههههههههههههههههه
مستنيكي تكملي اللي مابين النقط
اكمل مابين القوسين

Manamino يقول...

MaNoOoSh

يارب تلاقي الحب اللي من غير شطة وليمون الحب اللي بجد وبيور ومن غير اي اضافات
ولو ان الشطة والليمون ساعات بتبقي حلوة برضو وبتخل يالحب يستمر
ههههههههههههههههههههههههه

وطبعا طبعا اي نوع من انواع الحب دي لازم وقبل اي حاجة انه يكون قائم علي التفاهم والاحترام والا مايبقاش حب

gana magde يقول...

انت عملت الحب بالنكهات زى الشيبسى

عموما انا بحبه بالشطه والليمون

عموما الحب واحد

ولا يتجزء

تقبل تحياتى

Manamino يقول...

gana magde
شرفتيني يافندم
وبعدين قدام حضرتك كل النكهات اختاري اللي يعجبك
ههههههههههههههههههه
تحياتي

زى الهوا يقول...

هههههههههه

عندك حق جدااااااا

Manamino يقول...

زي الهوا
طيب

MaNoOoSh يقول...

انت فين يا منامينو عايزاك فى رحلة مكوكية عندى علشان تنورنى برأيك يافندم
سلااااام

Manamino يقول...

MaNoOoSh
يانهار ابيض يانهار ابيض ياننوش
هو انا في ديك الساعة
اجيلك علي عيوني
ههههههههههههههههه
حلوة شوية القرع دول
يالله استنيني عندك بقي

mahasen saber يقول...

يعنى ايه مش قريتى الموضوع للاخر

ده كلام يزعل بئه انا قريته طبعا والا مكنتش علقت انما انا بوصلك السيى فهمته

انا كده زعلت
وواجب واجب تقولى معلش او ااقول تقوليلى

Manamino يقول...

محاسن صابر
ياست محاسن انا باهزر طبعا
وعارف كويس انك اكيد قريتي الموضوع للاخر
كل الحكاية اني بانكشك
ولا بلاش؟؟؟؟؟؟؟
هههههههههههههه
وبعدين انا في عرضك بلاش تقوليلي دي
هههههههههههههههههههههه
دي عقدة في حياتي المدونية كل الناس بتقولي قوليلي قوليلي
تقولش عبد الحليم
هههههههههههههههههههههههه
شرفتيني بافندم

انت تسال والكمبيوتر يجيب يقول...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

سمكه واحده يقول...

صوح تومام كلام جميل
ثللاث انواع
يأحب
يامحبش
يا عادي لاكده ولا كده
بس بتختلف طريقه التعبير
ايه الجمال ده ايه ده في كده برضو حاجه غريبه !
تحياتي

Manamino يقول...

سمكة واحدة
ولا اقول طمطم
اولا باشكرك علي الزيارة وعلي رأيك الجميل
ثانيا انا قلتها مع اولا
هههههههههههههههه
شرفتيني يافندم

S a r a يقول...

الحب هو الحب

بكل اشكاله وصوره اسمه حب

منقولش بحب زى فلان او بحب زى حاجه

نعترف ونقول اننا معجبين أحسن ما نقول بحبه زى حد

تسلم ايدك

Manamino يقول...

sara
معاكي حق في كل اللي بتقوليه
شرفتيني بزيارتك

roody hanem يقول...

انت عندك حق

مهما الانسان فضل يدرج مسميات لحبه لاى انسانه انه يقول مثلا دى زى اختى ولا مامتى ولا بنت خالتى الوسط مش الصغيره هو برضه بيحبها وهو متاكده من ده ونفس الحكايه بالنسبه بالبنت


مش اسفه عالازعاج ولا حاجه عادى جدااا
p:

Manamino يقول...

roody hanem
معاكي حق في كل اللي بتقوليه
تحياتي يافندم وشكرا علي المرور

mohamed ghalia يقول...

متفق معاك تمام
الحب هو الحب وإن اختلفت وسيلة التعبير
دمت بكل الود

قيس بن الملووووح يقول...

"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

Manamino يقول...

mohamed ghalia
اشكرك علي رايك وعلي المرور
تحياتي ياباشا

Manamino يقول...

قيس ابن الملوح
تمااااااااااااااااااام اللي بتقوله
صح الكلام
سلام

قررت أكون عانس يقول...

جميل البوست

وان كنت اختلف مع بعض نقاطه

لكن يظل الحب اقوى العواطف وأسماها

Manamino يقول...

قررت اكون عانس
اكيد الاختلاف لا يفسد للود قضية
وشرفتيني بزياتك

SANY يقول...

جاااااااااااااامد يا مينا بجد بجد اللة اللة عليكى يا ست
سورى الة عليك يا ابو المنامين

Manamino يقول...

sany ولا sonson
ماشي ياعم
الله علينا كلنا
هههههههههههههههه

أسما عواد يقول...

عرفت دلوقتي ام كلثوم غنت الحب كده ليه؟
مساءك ورد

سعاد عبد الرسول يقول...

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

Manamino يقول...

اسماء عواد
لا ماعرفتش
ليه صحيح؟
ليه
هاه ليه؟
مساءك سكر

Manamino يقول...

سعاد عبد الرسول
عجبي

romysaa يقول...

كلامك صح جدا الحب هو الحب وان اختلفت طريقة التعبير عنه المهم نعرف نعبر عنه ازاى سواء للأم او للأب او للأخ او للحبيب والحبيبة او للزوج او للزوجة
واسفة للإزعاج

حاجــ عيال ــات يقول...

السلام عليكم
انا آسفة اتأخرت عليك يامنامينو
لكن معلس انا كنت مش بدون خالص
لكن البوست جميل
والحب الكلام فيه ما بيخلصش ولا الرؤى فيه بتنتهي

أحييكي
جهاد مشالي

أسما عواد يقول...

ايه يا منامينو
مفيش بوست جديد ولا ايه؟

Manamino يقول...

romysaa
من غير ازعاج ولا اي حاجة شرفتيني يافندم ومتشكر قوي علي رايك وزيارتك

Manamino يقول...

حاجــ عيال ــات
مش مهم التأخير المهم انك جيتي
ومعاكي حق الكلام في الحب مابيخلصش
بس علي فكرة انا مش بنت
هههههههههههههههههههههه
شرفتيني برضو

Manamino يقول...

الجميلة قطر الندي
احم احم قصدي اسماء عواد
والله يا اسماء عندي حالة كدة من البله المغولي مخلياني مش عارف مين فين ليه
ادعيلي

أسما عواد يقول...

حبيت أطل والقي التحية
نهارك جميل

Manamino يقول...

اسماء عواد
نهارك عسل
شكرا علي التحية

amr elsharqawy يقول...

الحب كأس يروى قلوب
ويسكر قلوب

الحب انواع واشكال

لكنه
حب


تسلم ايدك