بحبك زي اختي
بحب مصر زي امي والله
بحبه اه بس زي اخويا
بحبه قوي كصديق
كل دي مصطلحات بنسمعها كل يوم في علاقاتنا الشخصية والاجتماعية
واحدة بتحب واحد زي اخوها وواحد بيحب واحدة زي امه وحاجات كتيرة كدة
ياتري هو الحب انواع؟
اه طبعا
فيه حب ابوي وحب اخوي وحب رومانسي وحب عاطفي وحب الوطن وحب بالكاتشب وحب بالجبنة والليمون
مش كدة وبس
الحب كمان مقادير
يعني انا بحب فلان ده اتنين كيلو لكن فلان التاني ده يادوب 10 جرام علي قده
وفلانة دي بحبها موت موت ييجي تلاتة اربعة طن كدة
الحب عمره ماكان انواع ولا مقادير الحب حب
يعني انا بحب فلان او مش باحبه
واحد هايقولي ازاي ياعم انت انت هاتخرف ولا ايه يعني حب واحد لامه زي حبه لصاحبه زي حبه لمراته ؟؟؟؟؟؟؟؟؟؟؟؟؟؟؟؟؟؟؟؟؟ انت جري في عقلك حاجة
استني بس عليا
اه حب الواحد لامه زي حبه لمراته زي حبه لصاحبه
لانه بيحبهم كلهم
والحب واحد ودرجته واحدة
لكن طبعا بيختلف في طريقة التعبير عنه
يعني طريقة تعبيري عن حبي لامي بتختلف عن ابويا عن اخويا عن اختي عن مراتي عن خطيبتي
واكيد طبعا انت عارف هاتعبر لكل واحد فيهم عن حبك ازاي
ولو اتلخبطت انت عارف برضو رد الفعل هايكون ازا ي
هههههههههههههههههههههههههههههههه
وفيه عبارة مشهورة قوي بتقول ان الصداقة ممكن تتحول لحب لكن الحب مش ممكن يتحول لصداقة
الحب بين ولد وبنت يعني
برضو انا شايف ان العبارة دي كمان غلط
بما ان الحب واحد فممكن يتحول من اي صورة لصورة تانية بسهولة
يعني
انا كنت بحب فلانة وبعدين ربنا ماقدرش وافترقنا وماكملناش مع بعض فهل ده معناه اني ابطل احبها؟
وهل لو فضلت احبها هاكون باخون الانسانة اللي ممكن ارتبط بيها ؟
اكيد لا
مش هابطل احبها
ولا حبها هايتحول من حب بالجبنة المتبلة لحب بالشطة والليمون
كل الحكاية اني هاعبرلها عن حبي ده بطريقة مختلفة
يعني مش هاينفع اكلمها بالساعات في التليفون مش هاينفع كل دقيقتين اقولها بحبك وبموت فيكي وانت الدنيا وانت ام قويق
وبرضو مش هاينفع نقعد نخطط مستقبلنا مع بعض
بالظبط زي ماطريقة تعبيرك عن حبك لخطيبتك بتتغير بعد ماتبقي مراتك
ولا مابتتغيرش؟؟؟؟؟؟؟ (وش بيغمز)
الحب هو الحب
بكل اعراضه واحاسيسه
اللي بيحب حد بيبقي عاوز يفضل جنبه طول عمره بيخاف عليه بيوحشه حتي وهو معاه بيهتم بيه بيهمه يعرف كل حاجة عنه من غير مايضايقه او يجرحه او يحسسه انه بيفرض نفسه عليه
يعني كل الدش اللي فوق ده تقدر تلخصه في 3 كلمات
فيه واحد بتحبه
وفيه واحد مش بتحبه
وفيه واحد مش فارق معاك يعني لا بتحبه ولا بتكرهه زيه زي اللي ماتعرفهوش اصلا
في الاخر ده مجرد رأي وكل واحد حر في رأيه
بحب مصر زي امي والله
بحبه اه بس زي اخويا
بحبه قوي كصديق
كل دي مصطلحات بنسمعها كل يوم في علاقاتنا الشخصية والاجتماعية
واحدة بتحب واحد زي اخوها وواحد بيحب واحدة زي امه وحاجات كتيرة كدة
ياتري هو الحب انواع؟
اه طبعا
فيه حب ابوي وحب اخوي وحب رومانسي وحب عاطفي وحب الوطن وحب بالكاتشب وحب بالجبنة والليمون
مش كدة وبس
الحب كمان مقادير
يعني انا بحب فلان ده اتنين كيلو لكن فلان التاني ده يادوب 10 جرام علي قده
وفلانة دي بحبها موت موت ييجي تلاتة اربعة طن كدة
الحب عمره ماكان انواع ولا مقادير الحب حب
يعني انا بحب فلان او مش باحبه
واحد هايقولي ازاي ياعم انت انت هاتخرف ولا ايه يعني حب واحد لامه زي حبه لصاحبه زي حبه لمراته ؟؟؟؟؟؟؟؟؟؟؟؟؟؟؟؟؟؟؟؟؟ انت جري في عقلك حاجة
استني بس عليا
اه حب الواحد لامه زي حبه لمراته زي حبه لصاحبه
لانه بيحبهم كلهم
والحب واحد ودرجته واحدة
لكن طبعا بيختلف في طريقة التعبير عنه
يعني طريقة تعبيري عن حبي لامي بتختلف عن ابويا عن اخويا عن اختي عن مراتي عن خطيبتي
واكيد طبعا انت عارف هاتعبر لكل واحد فيهم عن حبك ازاي
ولو اتلخبطت انت عارف برضو رد الفعل هايكون ازا ي
هههههههههههههههههههههههههههههههه
وفيه عبارة مشهورة قوي بتقول ان الصداقة ممكن تتحول لحب لكن الحب مش ممكن يتحول لصداقة
الحب بين ولد وبنت يعني
برضو انا شايف ان العبارة دي كمان غلط
بما ان الحب واحد فممكن يتحول من اي صورة لصورة تانية بسهولة
يعني
انا كنت بحب فلانة وبعدين ربنا ماقدرش وافترقنا وماكملناش مع بعض فهل ده معناه اني ابطل احبها؟
وهل لو فضلت احبها هاكون باخون الانسانة اللي ممكن ارتبط بيها ؟
اكيد لا
مش هابطل احبها
ولا حبها هايتحول من حب بالجبنة المتبلة لحب بالشطة والليمون
كل الحكاية اني هاعبرلها عن حبي ده بطريقة مختلفة
يعني مش هاينفع اكلمها بالساعات في التليفون مش هاينفع كل دقيقتين اقولها بحبك وبموت فيكي وانت الدنيا وانت ام قويق
وبرضو مش هاينفع نقعد نخطط مستقبلنا مع بعض
بالظبط زي ماطريقة تعبيرك عن حبك لخطيبتك بتتغير بعد ماتبقي مراتك
ولا مابتتغيرش؟؟؟؟؟؟؟ (وش بيغمز)
الحب هو الحب
بكل اعراضه واحاسيسه
اللي بيحب حد بيبقي عاوز يفضل جنبه طول عمره بيخاف عليه بيوحشه حتي وهو معاه بيهتم بيه بيهمه يعرف كل حاجة عنه من غير مايضايقه او يجرحه او يحسسه انه بيفرض نفسه عليه
يعني كل الدش اللي فوق ده تقدر تلخصه في 3 كلمات
فيه واحد بتحبه
وفيه واحد مش بتحبه
وفيه واحد مش فارق معاك يعني لا بتحبه ولا بتكرهه زيه زي اللي ماتعرفهوش اصلا
في الاخر ده مجرد رأي وكل واحد حر في رأيه
هناك 47 تعليقًا:
كلامك صح جدااااااااااااااااااااااااا
اااااااااااااااااااا
تسلم ايدك بجد :)
خايف اقول بحبك يا منامينو تفهمني غلط ;)
تسلم بجد يامنامينو
اقولك ايه
هو الحب حب
بس تقسيمته فى التعبير عنه
مش اننا نلف وندور ونحطله اسامى
الحب هو الحب
عاطفه انسانيه قويه ونبيله
بس يا منامينو مش معقول هحب اخويا زى ما هحب جوزى
ومش معقول هحب ابنى زى ما بحب صديق اعرفه او صديقتى
فهمتنى يا منامينو
اد ايه الكلام اللى انت قولته ده جميل وفعلا الحب واحد هى اللى بيختلف طريقه التعبير بس يعنى بتحب حد او لا
وفعلا زى ما انت بتقول لو 2 بيحبوا بعض وربنا ما اردش انهم يكونوا لبعض مادام حبوا بعض حقيقى يبقى ........................................................................
وانا اقول يا ربى كل اللى فات دة كان قونطة ليييييييييه... أتارية كان بالشطة والليمون وكمان مقاديرة مش مظبوطة
هههههههههههههههه
لا بجد عندك حق, وفعلا الحب ممكن يتحول من صداقة لحب لو توافر شرط الانجذاب أو بمعنى أصح الكيميا, بس أهم شىء فى الحب فى كل صورة أو أنواعة الاحترام والتفاهم.
riri
ربنا يخليكي يارب
بس مين يقول بقي ومين يسمع
شرفتيني يافندم
عقل مهوي
ياباشا قول براحتك
وانت عارف اللي فيها
انت بالذات بحبك بحبك بحبك بحبببببببببك
ههههههههههههههههه
مها العباسي
اللف والدوران ده اهم سمة في الحب طبعا
ههههههههههههههههه
ومن غير لف ودوران الحب مايبقالوش طعم
يالله ربنا يسترها علينا
شرفتيني بجد
محاسن صابر
طبعا فاهمك وعارف اللي بتقوليه كويس
بس يظهر انك ماقريتيش الموضوع كله للاخر
لو كملتي هاتلاقيني باقول نفس كلامك
بس الحب هو هو وانا باحب كل الناس دول زي بعض
لكن اللي بيختلف هو طريقة تعبيري لكل واحد عن حبي ليه
مش كدة ولا ايييييه
شرفتيني بالزيارة
rana
يبقي ايييييييييه ............
ايه اللي مكان النقط دي؟
ماكملتيش ليه
هههههههههههههههههههههههه
مستنيكي تكملي اللي مابين النقط
اكمل مابين القوسين
MaNoOoSh
يارب تلاقي الحب اللي من غير شطة وليمون الحب اللي بجد وبيور ومن غير اي اضافات
ولو ان الشطة والليمون ساعات بتبقي حلوة برضو وبتخل يالحب يستمر
ههههههههههههههههههههههههه
وطبعا طبعا اي نوع من انواع الحب دي لازم وقبل اي حاجة انه يكون قائم علي التفاهم والاحترام والا مايبقاش حب
انت عملت الحب بالنكهات زى الشيبسى
عموما انا بحبه بالشطه والليمون
عموما الحب واحد
ولا يتجزء
تقبل تحياتى
gana magde
شرفتيني يافندم
وبعدين قدام حضرتك كل النكهات اختاري اللي يعجبك
ههههههههههههههههههه
تحياتي
هههههههههه
عندك حق جدااااااا
زي الهوا
طيب
انت فين يا منامينو عايزاك فى رحلة مكوكية عندى علشان تنورنى برأيك يافندم
سلااااام
MaNoOoSh
يانهار ابيض يانهار ابيض ياننوش
هو انا في ديك الساعة
اجيلك علي عيوني
ههههههههههههههههه
حلوة شوية القرع دول
يالله استنيني عندك بقي
يعنى ايه مش قريتى الموضوع للاخر
ده كلام يزعل بئه انا قريته طبعا والا مكنتش علقت انما انا بوصلك السيى فهمته
انا كده زعلت
وواجب واجب تقولى معلش او ااقول تقوليلى
محاسن صابر
ياست محاسن انا باهزر طبعا
وعارف كويس انك اكيد قريتي الموضوع للاخر
كل الحكاية اني بانكشك
ولا بلاش؟؟؟؟؟؟؟
هههههههههههههه
وبعدين انا في عرضك بلاش تقوليلي دي
هههههههههههههههههههههه
دي عقدة في حياتي المدونية كل الناس بتقولي قوليلي قوليلي
تقولش عبد الحليم
هههههههههههههههههههههههه
شرفتيني بافندم
صوح تومام كلام جميل
ثللاث انواع
يأحب
يامحبش
يا عادي لاكده ولا كده
بس بتختلف طريقه التعبير
ايه الجمال ده ايه ده في كده برضو حاجه غريبه !
تحياتي
سمكة واحدة
ولا اقول طمطم
اولا باشكرك علي الزيارة وعلي رأيك الجميل
ثانيا انا قلتها مع اولا
هههههههههههههههه
شرفتيني يافندم
الحب هو الحب
بكل اشكاله وصوره اسمه حب
منقولش بحب زى فلان او بحب زى حاجه
نعترف ونقول اننا معجبين أحسن ما نقول بحبه زى حد
تسلم ايدك
sara
معاكي حق في كل اللي بتقوليه
شرفتيني بزيارتك
انت عندك حق
مهما الانسان فضل يدرج مسميات لحبه لاى انسانه انه يقول مثلا دى زى اختى ولا مامتى ولا بنت خالتى الوسط مش الصغيره هو برضه بيحبها وهو متاكده من ده ونفس الحكايه بالنسبه بالبنت
مش اسفه عالازعاج ولا حاجه عادى جدااا
p:
roody hanem
معاكي حق في كل اللي بتقوليه
تحياتي يافندم وشكرا علي المرور
متفق معاك تمام
الحب هو الحب وإن اختلفت وسيلة التعبير
دمت بكل الود
"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"
mohamed ghalia
اشكرك علي رايك وعلي المرور
تحياتي ياباشا
قيس ابن الملوح
تمااااااااااااااااااام اللي بتقوله
صح الكلام
سلام
جميل البوست
وان كنت اختلف مع بعض نقاطه
لكن يظل الحب اقوى العواطف وأسماها
قررت اكون عانس
اكيد الاختلاف لا يفسد للود قضية
وشرفتيني بزياتك
جاااااااااااااامد يا مينا بجد بجد اللة اللة عليكى يا ست
سورى الة عليك يا ابو المنامين
sany ولا sonson
ماشي ياعم
الله علينا كلنا
هههههههههههههههه
عرفت دلوقتي ام كلثوم غنت الحب كده ليه؟
مساءك ورد
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!
اسماء عواد
لا ماعرفتش
ليه صحيح؟
ليه
هاه ليه؟
مساءك سكر
سعاد عبد الرسول
عجبي
كلامك صح جدا الحب هو الحب وان اختلفت طريقة التعبير عنه المهم نعرف نعبر عنه ازاى سواء للأم او للأب او للأخ او للحبيب والحبيبة او للزوج او للزوجة
واسفة للإزعاج
السلام عليكم
انا آسفة اتأخرت عليك يامنامينو
لكن معلس انا كنت مش بدون خالص
لكن البوست جميل
والحب الكلام فيه ما بيخلصش ولا الرؤى فيه بتنتهي
أحييكي
جهاد مشالي
ايه يا منامينو
مفيش بوست جديد ولا ايه؟
romysaa
من غير ازعاج ولا اي حاجة شرفتيني يافندم ومتشكر قوي علي رايك وزيارتك
حاجــ عيال ــات
مش مهم التأخير المهم انك جيتي
ومعاكي حق الكلام في الحب مابيخلصش
بس علي فكرة انا مش بنت
هههههههههههههههههههههه
شرفتيني برضو
الجميلة قطر الندي
احم احم قصدي اسماء عواد
والله يا اسماء عندي حالة كدة من البله المغولي مخلياني مش عارف مين فين ليه
ادعيلي
حبيت أطل والقي التحية
نهارك جميل
اسماء عواد
نهارك عسل
شكرا علي التحية
الحب كأس يروى قلوب
ويسكر قلوب
الحب انواع واشكال
لكنه
حب
تسلم ايدك
إرسال تعليق