السبت، 21 يونيو، 2008

مش عايز اكون ملاك

حد فيكم يكره انه يكون ملاك؟
اه انا اكره اني اكون ملاك محبش ده انا عايز ابقي انسان بكل اللي في البني ادمين من حاجات وحشة وحلوة عايز اغلط واقع وحد يصلحلي غلطاتي نفسي اغلط في الناس اشتمهم اضربهم لو قدرت واعتذر ويقبلوا اعتذاري او مايقبلوهوش هم احرار نفسي ساعات مايهمنيش مشاعر الناس وساعات برضو يهمني

نفسي لما حد يغلط فيا ازعل منه واخاصمه وماكلموش ولما يصالحني اعاتبه وازعق فيه وممكن اشتمه
ليه باتمني ابقي ملاك مع ان ربنا ماخلقنيش كدة ليه المفروض مازعلش من حد مع ان الناس بتزعل مني لو غلطت فيها من غير قصد
ليه ماحدش بيعتزرلي لو غلط فيا وانا اللي باعتزر لهم وهم الغلطانين
ليه لما باغلط في حد من غير ما اقصد بافضل قلقان وزعلان من نفسي لحد ما اصالحه
مين فينا الصح انا ولا هم
هم طبعا علشان هم عايشين زي ماربنا خلقهم وانا اللي باحاول اكون حاجة تانية
انا عمري ماهاكون ملاك
وباللي باعمله ده برضو مش هابقي انسان
وهاعمل زي الغراب اللي حاول يقلد الطاووس
لا فضل غراب ولا عمره هايكون طاووس وفضل يعرج باقي حياته

ليه مانحبش نفسنا زي ما احنا

هناك تعليقان (2):

Rana يقول...

عندك حق احنا فعلا مش عارفين نعيش على طبيعتنا لا عارفين نعيش بنى ادمين ولا حتى قادرين نكون ملايكه......
كل اللى بيحصل اننا عايشين وخلاص ...
انا مش عارفه اكتب حاجه معلش مليش فى موضوع الكتابه ده
بجد موقع حلو قوووووى...
ياريت ينفع فعلا ان كل واحد يفتح قلبه ويقول اللى جواه

Manamino يقول...

ياسلالالالالالام يارنا والله انت زوق زوق الصراحة اخيييييرا لقيت حد يعبرني
متشكر قوي علي التعليق وياريت فعلا كل الناس تفتح قلبها وتقول اللي جواها ساعتها مش هانحتاج دكاترة نفسيين اللي هم اصلا عايزين دكاترة يعالجوهم
عجبي